Eystara vegbreyt á R. C. Effersøesgøtu verður stongd frá Húsagøtu niðan til Gundadalsvegin frá hóskvøldinum 2. mai klokkan 22 til fríggjamorgunin 3. mai klokkan 6. Vegbreytin verður stongd í sambandi við asfaltering.
Fleiri vegir eru stongdir í miðbýnum í sambandi við tiltøkini »Ein dagur á Grynnuni« og »Plantið eitt træ« í vikuskiftinum. Talan er um hesar vegir og klokkutíðir:
- Fríggjadagin 3. mai kl. 12 fram til leygardagin 4. mai kl. 19 er Tórsgøta stongd frá Mariu Poulsen oman til Vágsbotn
- Fríggjadagin 3. mai kl. 16 fram til leygardagin 4. mai kl. 14 er parkeringsplássið frammanfyri ráðhúsið stongt
- Leygardagin 4. mai kl. 8 fram til kl. 19 eru Mylnugøta, Undir Bryggjubakka og Vágsbotnur yvir til Bøgøtu stongdar
- Leygardagin 4. mai kl. 8 fram til kl. 14 er Niels Finsens gøta stongd frá Sverrisgøtu oman til Vaglið
Tinghúsvegurin er stongdur frá Vaglinum niðan til Bøkjarabrekku klokkan 8-17 frá mánadegnum 22. apríl til leygardagin 4. mai. Vegurin verður stongdur í sambandi við útskifting av glasplátum á løgtingsbygninginum.
Koyrandi er aftaná kl. 17 gerandisdagar og í vikuskiftunum.
Mánadagin 6. mai 2024 byrjar næsta byggistig í umvælingini av løgtingsbygninginum. Tinghúsvegurin verður i hesum sambandi stongdur frá Nólsoyar Páls gøtu til Bøkjarabrekku allar yrkadagar kl. 8-17 frá mánadegnum 6. mai til fríggjadagin 10. mai.
Ferðslan er broytt í Niels Finsens gøtu millum Vaglið og Káta Hornið í sambandi við umvælingina av Tinghúsbygninginum. Broytingarnar eru galdandi frá 23. apríl 2024 til 3. juni 2024:
- Parkeringsmøguleikar eru við Ráðhúsið á Vaglinum
- Vørukoyring kann fara fram frá Býráðssalinum og niðan til Káta Hornið og Steinatún
- Parkeringsforboð er frá Býráðssalinum og niðan til Káta Hornið
Í sambandi við at vegur verður gjørdur til munnan á Húsareynstunlinum, er neyðugt at grava ríðibreytina av. Arbeiðið byrjar 27. februar 2024. Tá ið arbeiðið er liðugt, verður ríðibreytin afturgjørd. Reetableringin er væntandi liðug 20. juli 2024.
Fólk, ið ynskja at ganga ella renna á rossagøtuni, kunnu koyra út í Havnardal ella longur niðan á Oyggjarvegin fyri at sleppa framat Rossagøtuni.
Kommunan fór 27. september 2023 undir at dagføra Posthúskjallaran í Tórsgøtu. Arbeiðið varir til 6. mai 2024 og kemur viðhvørt at ávirka ferðsluna í Tórsgøtu, meðan bygt verður. Millum annað verða parkeringspláss og øki framvið posthúskjallaranum stongd, tá tað er neyðugt.
Frá 13. november 2023 eru parkeringsmøguleikarnir á Per Mohrs vegi og við Býlingshúsið vesturi á Flat broyttir.
Parkeringsøkini og galdandi tíðaravmarkingarnar sært tú á parkeringskortinum hjá Tórshavnar kommunu:
Fyri at tryggja at tað altíð er gjørligt hjá neyðsendarbilum at sleppa framat, er parkeringsforboð lýst fyri norðara part av ítróttarøkinum í Gundadali.
Tað vil siga, at tað bert er loyvt at parkera á merktum parkeringsbásum innanfyri økið á myndini.
