Í mai taka vit aftur eitt tak fyri náttúru okkara. Freistin at tekna seg til ruddingardagarnar er fríggjadagin 10. mai.
Kunna teg um ruddingardagarnar og melda til her:
Eitt hýruvognsloyvi knýtt at bilstøðini Auto er leyst at søkja. Umsóknarfreistin er 29. apríl 2024 kl. 12. Les meira og søk her:
Nú ber aftur til at ynskja pláss í Lonunum í Hoydølum. Heitt verður á øll foreldur um skjótast gjørligt at skriva barn teirra á bíðilista til upp til fýra dagstovnar og at raðfesta stovnarnar eftir ynski. Foreldur kunnu avgreiða innskrivingina her:
Tórshavnar býráð hevur samtykt, at kommunan skal fara undir samráðingar við arbeiðstakara um útstykkingina við Ervaveg á Velbastað. Tá ið samráðingarnar eru komnar uppá pláss, verður verkætlanin lýst nærri við tekningum, tíðarætlan og mettum kostnaði fyri grundstykkini. Síðan verður latið upp aftur fyri endaligum tilmeldingum til lutakastið um grundstykkini.
Skipar tú fyri ella hevur tú áhuga fyri ítróttakappingum, sjónleiki, tónleiki, framsýningum, eldrafimleiki, skating, upplestri, borðspølum ella øðrum spennandi virksemi, ja so er tað Tímanum, tú skalt halda eyga við. Tímin er nýggi kalendarin, ið vísir tær, hvørji tiltøk og ítriv eru á skrá í Tórshavnar kommunu.
Á býráðsfundi 23. november 2023 samtykti Tórshavnar býráð at lýsa broytingar í gjøldum fyri búpláss, heimahjálp og umlætting sambært uppskotinum til felags leist hjá Kommunufelagnum. Les meira um dagføringina av gjøldunum fyri eldratænasturnar her:
Kommunan dagførir gjøldini fyri eldratænastur 1. januar 2024
Í gjárkvøldið skipaði Tórshavnar kommuna fyri hugnaløtu fyri sjálvbodnum í Tórshavnar kommunu.
Leygardagin 4. mai byrjar umhvørvisvikan, sum í ár snýr seg um vatn. Skráin er á tremur við tiltøkum fyri borgarar í øllum aldrum. Boðið verður til rundvísingar á vatnverkinum í Villingadali og á Føroya Sjósavni, umhvørvisveiðu, túrar til gongu og í bátum av ymsum slag, barnabio, mat- og plantumarknað, virkisvitjan, filmssýning, fyrilestrar og mangt annað.
Seinnapartin varð Húsareynstunnilin skotin ígjøgnum. Tunnilin er góðar 1800 metrar til longdar og 10,5 metrar breiður.
Fyrrapartin byrjaðu eldraleikirnir í Tórshavnar kommunu. Talan er um ein serligan eldradag, har heimabúgvandi pensjóninstar í Tórshavnar kommunu kunnu koma til ein stuttligan og aktivan dag við ymiskum kappingum og fáa ein bita aftaná.
Vegamótið Løgmannabreyt og Atlagøta er stongt mikukvøldið 17. apríl klokkan 18 til hósmorgunin 18. apríl klokkan 6 í sambandi við asfaltering. Meðan arbeiðið fer fram, koyrir leið 1 ikki eftir Løgmannabreyt, men eftir Karlamagnusarbreyt heilt niðan til Rólantsgøtu og víðari eftir ferðaætlanini.
Leygardagin 4. mai byrjar umhvørvisvikan, sum í ár snýr seg um vatn. Her kanst tú lesa skránna, tekna teg til mongu spennandi tiltøkini og kunna teg nærri um evnið í ár.
Tórshavnar býráð samtykti á fundi 21. mars 2024 uppskot um at broyta almennu byggisamtyktina fyri matr. nr. 13b, Norðradalur og part av matr. nr. 13a, Norðradalur.
Tórshavnar býráð samtykti á fundi 25. januar 2024 uppskot um at broyta almennu byggisamtyktina fyri matr. nr. 313a og 107a, Kollafjørður.
Tórshavnar býráð samtykti á fundi 29. februar 2024 uppskot um at broyta byggisamtyktina fyri matr. nr. 1156 og part av matr. nr. 1157 og 1160a, Tórshavn, frá D1 og 4. grundumráði til D2, treytað av loyvum frá friðingarmyndugleikum.