Útboð í kommununi

Útboðsportalurin (utbod.torshavn.fo)

Almenningurin í Tórshavnar kommunu hevur í nógv ár umbiðið eitt innandura spæliland. Kommunan ynskir við hesum at kanna, um privata vinnan hevur áhuga í at byggja eitt innandura spæliland. Eitt stað, har tað ongantíð regnar.

Freistin at lata uppskot inn er 28. august 2023 kl. 12.

Innandura spæliland og býarmenning í barnahædd

Býarmenning í barnahædd finna vit fyri ein part í teimum uttandura spæliplássunum í kommununi. Okkum tørvar tó fleiri øðrvísi átøk í kommununi, millum annað tí okkara veðurlag merkir, at barnafamiljur og stovnar ikki verða beinleiðis eggjað til uttandura virksemi ein stóran part av árinum.

Sostatt hevur almenningurin í nógv ár spurt eftir innandura spælilandi. Tílík spælilond eru at finna í flestu av okkara grannalondum. Spælilondini hóska nevniliga væl til norðurlendsku býirnar, sum í flestu førum kunnu flokkast sum vetrarbýir, ið hava langar og myrkar vetrar og lutfalsliga styttri summur við nógvum regni og vindi. Eitt innandura spæliland kundi verið við til at samsýna hesar dagar.

Tað er í hesum sambandi, Tórshavnar kommuna ynskir at kanna, um privata vinnan er áhugað í at byggja eitt innandura spæliland. Eitt stað, har tað ongantíð regnar.

Staðsetingin við Stórutjørn

Ætlanin er at staðseta spælilandið við Stórutjørn í Hoyvík. Kommunan hevur arbeitt við einari heildarætlan fyri heilt nýggjan býarpart við Stórutjørn. Ein partur av økinum er lagt av til ítrótt. Endaliga skipanin av ítróttaøkinum er ikki liðug enn, men fyrsta verkætlanin í økinum verður nógv umrødda Stórhøllin. Fyri at gagnnýta lendið í økinum sum best, er ætlanin, at spæliland skal staðsetast oman á parkeringsplássini við Stórhøllina.

Undirlendið til spælilandið verður leigulendi, og tað verður funnið fram til ein leigukostnað, tá besta uppskotið um spæliland er funnið.

Um útboðið

Útboðið er soleiðis háttað, at uppskot til innandura spælilandi, ið verður latið kommununi, skal innihalda:

• Frágreiðing um ætlanina
• Tilvísingar ella tekningar, sum vísa dám og snið á spælilandinum
• Kostnaðarstøðið á atgongumerkjum
• Tíðarætlan á verkætlanini
• Annað

Uppskotini skulu latast inn á útboðsportalinum í seinasta lagi 28. august 2023 klokkan 12.

Spurningar í sambandi við uppgávuna og útbjóðingartilfarið kunnu sendast á útboðsportalinum í seinasta lagi 28. juni 2023 og verða somuleiðis svaraðir umvegis portalin í seinasta lagi 30. juni 2023. Fyri at lata tilboð inn á útboðsportalinum, má tilboðsgevi vera skrásettur sum brúkari. Øll kunning og samskifti verður frameftir á útboðsportalinum.

Útbjóðingartilfarið sæst í fullum líki her:

Innandura spæliland - útbjóðingartilfar

Útboðsportalurin (utbod.torshavn.fo)

Tórshavnar kommuna lýsir við hesum ein part av matrikkli 256 omanfyri Argjahamar til sølu til bygging av íbúðum og høli til vinnuvirksemi.

Freistin at lata inn tilboð uppá lendið er 25. september 2023 klokkan 12.

Tórshavnar kommuna hevur ment eina heildarætlan fyri part av matrikkul 256 oman fyri Argjahamar og í vár beyð Tórshavnar kommuna fyrsta økið út til bygging av íbúðarhúsum. Nú verður farið undir at bjóða næsta økið út. Lendið, ið verður boðið út, er øki 4, ið er á leið 6.708 m² til støddar.

Lendið omanfyri Argjahamar er flokkað sum eitt øki, ið hóskar væl til býarvøkstur. Økið er í kommunuætlanini lagt av til framtíðar býarvøkstur saman við økinum við Stórutjørn. Heildarætlanin fyri Stórutjørn er í gerð, og tíðin er nú eisini búgvin til at taka økið á Argjahamri í nýtslu til býarmenning.

Heildarætlanin fyri Argjahamar fevnir um matrikkul 256, ið er 132.000 m2 til støddar. Útbodna økið er partur av hesum matrikkli. Lendið liggur omanfyri bústaðarøkið Klingurstjørn, Skúlan á Argjahamri, Dagstovnin á Hamrinum og bústaðarøkið á Argjahamri. Tað er týdningarmikið sambært heildarætlanini, at økið kemur at umboða ein breiðan málbólk í samfelagnum við ymiskum bústaðarsløgum, bústaðarstøddum og eigaraviðurskiftum. Heildarætlanin leggur harafturat upp til útvent virksemi, so sum einstaklingavirkir, smásølu og tænastur innan heilsuøkið.

Nakað av lendinum verður boðið út til privatar arbeiðstakarar at menna, og nakað verður boðið út sum kommunalar útstykkingar. Samlaða økið verður skipað í 7 bústaðarøki. Mett verður, at tá øll økini í heildarætlanini eru bygd, verður pláss fyri umleið 500 fólkum, ið svarar til eina hækking á 20% av verandi fólkatalinum á Argjum.

Yvirskipað fyri byggingina í øki 4 er at fáa eina bygging við í mesta lagi fýra hæddum, har vinnuligt virksemi skal gerast í niðaru hæddunum og íbúðum í erva.

Samlaða útboðstilfarið sært tú her:

Útboð av grundøki omanfyri Argjahamar - útboðstilfar

Mannagongd

Tilgongdin er soleiðis háttað, at tilboðsgevarar lata kommununi:

• Váttan frá peningastovni um tøka fígging til keyp av lendi
• Neyva frágreiðing um verkætlanina
• Frágreiðing um toymið, sum bjóðar

Tilboðini skulu latast inn á kommunala útboðsportalinum í seinasta lagi 25. september 2023 klokkan 12.

Fyri at kunnu lata tilboð inn á útboðsportalinum, má tilboðsgevi vera skrásettur brúkari. Tað er ókeypis at skráseta seg sum brúkara. Frameftir gongur øll kunning og samskifti fyri seg á útboðsportalinum.

Útboðsportalurin (utbod.torshavn.fo)

Tórshavnar kommuna lýsir við hesum trý øki omanfyri Argjahamar til sølu til bygging av ávikavist íbúðum og raðhúsum.

Freistin at lata inn tilboð uppá lendini er 25. oktober 2023 klokkan 12.

Tórshavnar kommuna hevur ment eina heildarætlan fyri part av matrikkul 256 oman fyri Argjahamar, og í vár beyð Tórshavnar kommuna fyrsta økið út til bygging av íbúðarhúsum, í summar bleiv næsta økið boðið út til bygging av íbúðarhúsum við vinnuligum virksemi í niðaru hæddunum og nú verður fari undir at bjóða trý øki út afturat. Talan er um øki 6.1 til íbúðarbygging og økini 5.1 og 5.2 til raðhúsabygging.

Lendið omanfyri Argjahamar er flokkað sum eitt øki, ið hóskar væl til býarvøkstur. Økið er í kommunuætlanini lagt av til framtíðar býarvøkstur saman við økinum við Stórutjørn. Heildarætlanin fyri Stórutjørn er í gerð, og tíðin er nú eisini búgvin til at taka økið á Argjahamri í nýtslu til býarmenning.

Heildarætlanin fyri Argjahamar fevnir um matrikkul 256, ið er 132.000 m2 til støddar. Útbodna økið er partur av hesum matrikkli. Lendið liggur omanfyri bústaðarøkið Klingurstjørn, Skúlan á Argjahamri, Dagstovnin á Hamrinum og bústaðarøkið á Argjahamri. Tað er týdningarmikið sambært heildarætlanini, at økið kemur at umboða ein breiðan málbólk í samfelagnum við ymiskum bústaðarsløgum, bústaðarstøddum og eigaraviðurskiftum. Heildarætlanin leggur harafturat upp til útvent virksemi, so sum einstaklingavirkir, smásølu og tænastur innan heilsuøkið.

Nakað av lendinum verður boðið út til privatar arbeiðstakarar at menna, og nakað verður boðið út sum kommunalar útstykkingar. Samlaða økið verður skipað í 7 bústaðarøki. Mett verður, at tá øll økini í heildarætlanini eru bygd, verður pláss fyri umleið 500 fólkum, ið svarar til eina hækking á 20% av verandi fólkatalinum á Argjum.

Útboðstilfarið fyri hvørt øki sært tú her:

• Útbjóðingartilfar øki 6.1 á Argjahamri
• Útbjóðingartilfar øki 5.1 á Argjahamri
• Útbjóðingartilfar øki 5.2 á Argjahamri

Mannagongd

Tilgongdin er soleiðis háttað, at tilboðsgevarar lata kommununi:

• váttan frá peningastovni um tøka fígging til keyp av lendi
• tekningar og frágreiðingar av verkætlanini, sum lýsa byggilistarlig greb, skipan av fríøki, búeindum, og parkering og aðaltættir fyri byggingina sum heild
• frágreiðing um toymið. Í tilboðnum skal vera lýst, hvussu tilboðsgevari er førur fyri at fullføra verkætlanina, og hvørjir luttakararnir eru, t.e. tekniskir ráðgevarar, arbeiðstakarar, fíggjarstovnur v.m. Eisini skal vera greitt frá neyðugum fakligum førleikum við manning, útgerð og møguligum tilvísingum til aðrar verkætlanir

Tilboðini skulu latast inn á kommunala útboðsportalinum í seinasta lagi 25. oktober 2023 klokkan 12.

Fyri at kunnu lata tilboð inn á útboðsportalinum, má tilboðsgevi vera skrásettur brúkari. Tað er ókeypis at skráseta seg sum brúkara. Frameftir gongur øll kunning og samskifti fyri seg á útboðsportalinum.

Útboðsportalurin (utbod.torshavn.fo)

Útboðsportalin finnur tú her:

Útboðsportalurin (utbod.torshavn.fo)

Útboðsportalurin er ein talgild skipan, sum ger tað lætt hjá veitarum at lata kommununi tilboð og fylgja við í útboðum og tilboðsfyrispurningum frá kommununi. Øll útboð og allir tilboðsfyrispurningar viðvíkjandi rakstrinum í Tórshavnar kommunu fara umvegis Útboðsportalin.

Tú finnur Útboðsportalin her:

Útboðsportalurin (utbod.torshavn.fo)

Allar fyritøkur við føroyskum v-tali kunnu skráseta seg á Útboðsportalinum. Á portalinum finnur tú vegleiðingar til, hvussu tú stovnar títt virki, og hvussu tú stovnar brúkarar.