Fyribyrgjandi venjing í FIMI
Er tín virkisførleiki skerdur, ella er tín heilsustøða broytt, soleiðis at tú hevur trupult við at megna gerandisdagin, kanst tú søkja um fyribyrgjandi venjing í FIMI. Fyribyrgjandi venjingin er skipað sum eitt bólkatilboð, ið samantvinnir tíni fatanarevni og tínar kropsligu, sálarligu og sosialu førleikar.
Søk um fyribyrgjandi venjing í FIMI á Vanganum
Rita inn við Samleikanum. Á Vanganum skalt tú fylla út umsóknarskjalið »Umsókn um ergo- og fysioterapi« og viðmerkja, at tú ynskir at søkja um fyribyrgjandi venjing í FIMI.
Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum. Tað er ein fyrimunur at søkja á Vanganum, tí samskiftið á Vanganum er bæði skjótari og tryggari. Á tínari vangasíðu hevur tú harafturat møguleika fyri at fylgja við í viðgerðargongdini.
Tú kanst søkja um fyribyrgjandi venjing í FIMI, um tú ert fólkapensjonistur í Tórshavnar kommunu og hevur tørv á at styrkja tínar kropsligu førleikar í einum sosialum felagsskapi.
Fyri at vit kunnu játta tær fyribyrgjandi venjing í FIMI, er neyðugt, at tú:
- Sjálv megnar at koma til og frá FIMI
- Megnar at koma niður á gólvið og upp av gólvinum sjálvstøðugt
- Megnar at røra teg uttan fleiri steðgir. Tað er í lagi at nýta høkju, stav ella rollator
- Hevur hug til sosiala samveru saman við hinum luttakarunum
Hevur tú Samleikan, skalt tú søkja á Vanganum.
Søk um fyribyrgjandi venjing í FIMI
Á Vanganum skalt tú fylla út umsóknarblaðið »Umsókn um ergo- og fysioterapi« og viðmerkja, at tú ynskir at søkja um fyribyrgjandi venjing í FIMI.
Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum.
Tað er ein fyrimunur at søkja á Vanganum, tí samskiftið á Vanganum er bæði skjótari og tryggari. Á tínari vangasíðu hevur tú harafturat møguleika fyri at fylgja við í viðgerðargongdini.
Tá tú hevur søkt, setur ein terapeutur seg í samband við teg, og saman gera vit eina meting um, hvørt fyribyrgjandi venjing í FIMI er rætta tilboðið til tín. Eisini meta vit um, hvørt tú hevur tørv á øðrum tænastum, ið terapeuttoymið hjá Heilsu- og umsorganartænastuni veita.
Terapeuttoymið í Heilsu- og umsorganartænastuni tekur støðu til, um vit kunnu játta tær fyribyrgjandi venjing í FIMI. Játtanin er tengd av, at tú lýkur treytirnar fyri at fáa tænastuna.
Tá vit hava viðgjørt tína umsókn, fært tú svar á Vanganum og í MínBoks.
Fært tú av onkrari orsøk ikki nýtt Vangan ella Samleikan, kanst tú fylla út umsóknina niðanfyri og senda hana til heilsuhusid@torshavn.fo ella lata hana inn á Snarskivuni á Vaglinum 11 í Tórshavn.
Sendir tú umsóknina inn sum teldubræv, skalt tú minnast til at viðmerkja »Umsókn um fyribyrgjandi venjing í FIMI« í evnisteigin.
Endamálini við fyribyrgjandi venjingini í FIMI eru:
- At stuðla undir og fremja góða heilsu
- At stimbra kropskensluna
- At økja um lívsgóðskuna
- At lætta um gerandisdagin
- At halda sosialar førleikar við líka
Venjingin er skipað sum bólkavenjing við í mesta lagi 20 luttakarum. Venjingartíðarskeiðið er 10 vikur. Vit venja í FIMI fyrrapart týsdagar og hósdagar.
Eina ferð um vikuna hava vit drekkamunn eftir venjingina. Luttakararnir skiftast um at hava okkurt afturvið.
Tá tú kemur til venjing, skalt tú vera í klæðum og skóm, sum eru góð at røra seg í.
Hvørt venjingarskeið varir í 10 vikur. Kostnaðin fyri hvørt venjingarskeið finnur tú á leinkjuni niðanfyri um brúkaragjøld.
Fært tú ikki møtt upp til venjingina, skalt tú skjótast gjørligt geva avboð við at ringja til Heilsuhúsið á tel. 30 20 00 ella til kontaktpersónin, sum vit hava upplýst tær.
Vilt tú vita meira um fyribyrgjandi venjing í FIMI, kanst tú ringja til Heilsuhúsið í Hoyvík. Vit svara tínum spurningum og vegleiða teg fegin, so tú kanst fáa eitt tilboð, ið hóskar til tín tørv.
Telefonin svarar mánadag til hósdag kl. 8 – 15.30 og fríggjadag kl. 8 – 15.
HEILSUHÚSIÐ
Brekkutún 1
188 Hoyvík