Serflutningur til rørslutarnað
Ert tú rørslutarnað og nýtir koyristól, hevur tú møguleika fyri at heita á serliga bussin til rørslutarnað hjá Tórshavnar kommunu. Tú skalt góðkennast sum brúkari, áðrenn tú kanst nýta serflutningstænastuna.
Hevur tú Samleikan, søkir tú á Vanganum. Tá tú hevur søkt fært tú eina kvittan í MínBoks.
Søk um serflutning til rørslutarnað
Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum. Tá tú søkir umvegis Vangan kanst tú kunna teg um journalnummar og støðuna á málinum á veitarasíðuni.
Endamálið við serflutningsskipanini er at veita flutningsmøguleikar til fólk, ið bera brek, eru bundin av koyristóli ella eru so mikið tarnað, at tey ikki kunnu nýta almenn flutningstól, ella um tey hava tørv á flutningi í avmarkaða tíð.
Skipanin fevnir ikki um sjúkraflutning.
Ja. Av trygdarávum hava vit sum krav, at tú situr í einum koyristóli, sum hevur trygdarbelti og sum kann spennast fastur inni í bussinum. Almannaverkið avger, um tú hevur rætt til koyristól.
Tú skalt góðkennast sum brúkari, áðrenn tú kanst nýta serflutningstænastuna. Hetta søkir tú um á Vanganum. Tá tú søkir, verður tú millum annað biðin um at greiða frá tínum tørvi á serflutningi, atkomumøguleikarnar til tíni hús, og hvussu stóran tørv tú hevur á serflutningshjálp.
Søk um serflutning til rørslutarnað
Tað er ein fyrimunur fyri teg at søkja umvegis Vangan, tí samskiftið á Vanganum er bæði tryggari og skjótari. Harafturat hevur tú møguleika fyri at fylgja við í viðgerðargongdini. Hevur tú ikki stovnað tær Samleikan, kanst tú gera tað á heimasíðuni hjá Samleikanum.
Heilsu- og umsorganartænastan í Tórshavnar kommunu tekur støðu til tína umsókn og ger av, um vit kunnu játta tær serflutning. Ert tú rørslutarnað og hevur koyristól við trygdarbeltum, og er atkoman til tíni hús í lagi, játta vit tína umsókn. Eru ivamál, setur eitt starvsfólk í Heilsu- og umsorganartænastuni seg í samband við teg fyri at fáa greiðu á ivamálunum.
Tá vit hava viðgjørt tína umsókn, fært tú svar á Vanganum og í MínBoks.
At viðgera tína umsókn tekur umleið eina viku. Tú fært boð, tá tín umsókn er viðgjørd.
Hevur tú av onkrari orsøk ikki møguleika fyri at nýta Vangan og Samleikan, kanst tú nýta umsóknarskjalið niðanfyri og senda tað til heilsuhusid@torshavn.fo ella lata umsóknina inn á Snarskivuni á Vaglinum 11 í Tórshavn.
Sendir tú umsóknina inn sum teldubræv, skalt tú minnast til at viðmerkja »Umsókn um góðkenning til serflutningstænastu« í evnisteigin.
Bussurin koyrir í vanligari arbeiðstíð allar yrkadagar frá kl. 9-16. Bussurin koyrir tó ikki í døgurðatímanum. Tú kanst eisini nýta bussin sum hýruvogn um kvøldið og í vikuskiftinum.
Busskoyringin er ókeypis yrkadagar millum kl. 9 – 16.
Um kvøldið og í vikuskiftum kanst tú nýta bussin sum hýruvogn í Tórshavnar kommunu. Gjaldið fyri tílíkar túrar er sum fyri vanligan hýruvogn. Tað vil siga, at lægsta gjaldið er 100 kr.
Túrar uttan fyri vanliga arbeiðstíð yrkadagar skulu bíleggjast áðrenn kl. 14 og til vikuskifti áðrenn kl. 13.30 fríggjadag.
Møguligir leigutúrar til aðra kommunu kosta 450 kr. fyri hvønn tíma hvønn vegin + mvg.
Tá vit hava játtað tær serflutningstænastu, ringir tú á tel. 30 21 00 fyri at bíleggja túr. Yrkadagar skalt tú bíleggja koyring í seinasta lagi dagin fyri millum kl. 9 og 16.
Bussurin stendur á Sløkkiliðsstøðini á Oyggjarvegnum.
Bussførarin hjálpir tær í og úr bussinum, um tú situr klár innan fyri úthurðina. Er trappa niðan til húsini, er neyðugt við hjálpartóli, sum lyftu ella rampu, sum tú kanst fáa við at venda tær til Almannaverkið:
ALMANNAVERKIÐ
Staravegur 18
100 Tórshavn
Ja, tú kanst taka hjálparfólk við tær ókeypis, um neyðugt.
Ja, rørslutarnað úr øðrum kommunum, sum eru góðkendir brúkara og stødd í Tórshavnar kommunu, kunnu nýta bussin. Hetta er treytað av, at gjaldsavtala við tína bústaðarkommunu er gjørd frammanundan.
Um tú lýkur ávísar treytir, kanst tú søkja um stuðul til at keypa ein bil. Tú kanst lesa nærri um hendan møguleikan á heimasíðuni hjá Almannaverkinum.
Almannaverkið – Hjálpartól, bilur og bústaðarbroytingar (av.fo)
Í ávísum førum kanst tú søkja um stuðul til serligan bilútbúnað; eisini um tú hevur vanligan bil. Kunna teg nærri um møguleikarnar og treytirnar á heimasíðuni hjá Almannaverkinum.
Almannaverkið – Hjálpartól, bilur og bústaðarbroytingar (av.fo)