Fjølmentanarvikan er eitt landsfevnandi tiltak, sum hevur til endamáls at fagna fjølmentan í Føroyum.
Les alt um Fjølmentanarvikuna her.
Sjálvgreiðsla
Leita
Lat aftur
Kom við á Fjølmentanarviku 20.-27. oktober!
Almen setan í Norðurlandahúsinum 20. oktober kl. 15
Á skránni verður undirhald, tónleikur og røður. Harumframt verður vinnarin av stuttsøgukappingini funnin og evnið til stuttfilmskappingina avdúkað.
Vit enda við onkrum góðum til góman og eitt sindur av undirhaldi. Øll eru vælkomin.
Leita tær íblástur úr Hugskotskjáttuni
Hugskotskjáttan kann nýtast sum íblástur til at skipa fyri virksemi á Fjølmentanarvikuni.
Leita í skjáttuni her:
Stuttfilmskapping
Tann 20. oktober verður filmskapping, har øll kunnu luttaka. Tað einasta tær tørvar er ein fartelefon.
Evnið til filmskappingina verður avdúkað til setanina av Fjølmentanarvikuni fríggjadagin 20. oktober í Norðurlandahúsinum.
Dansur og tónleikur nógvastaðni í Fjølmentanarvikuni
Altjóða DJ-kvøld, tónleikakvøld, dansikvøld og dansiframførslur.
Hygg í okkara skrá og finn øll tey góðu tiltøkini kring landið.
LES HUGSKOTSKJÁTTUNA
Her kanst tú leita tær íblástur, um tú vilt skipa fyri tiltaki á fjølmentanarvikuni:
Multicultural week makes immigrants turn from invisible to visible. So important to be seen and heard in order to assist with integration.
Eftirmeting av Fjølmentanarvikuni 2023
Hvussu luttaki eg?
Fjømentanarvikan er fyri øll. Tú kanst luttaka við at gera títt egna tiltak ella átak hesa vikuna. Tú kanst eisini luttaka saman við vinum, familju, starvsfelagum og øðrum, sum hava hug til at uppliva nakað nýtt, forkunnugt ella bara eitt sindur øðrvísi. Eisini kann tín skúli ella títt arbeiðspláss leggja eitt tiltak til rættis. Tín kommuna er eisini boðin at luttaka og verður møguliga karmur um okkurt tiltak á Fjølmentanarvikuni.
Leggur tú eitt tiltak til rættis, so send okkum endiliga kunning um innihaldið, tíð og stað. Er tiltakið alment, kemur tað við í yvirskipaðu skránna fyri Fjølmentanarvikuna. Er tiltakið ikki alment, so vilja vit kortini fegin hoyra frá tykkum.
Tú boðar frá tínum tiltaki við at trýsta á grøna knøttin niðanfyri, fylla teigarnar út og trýsta á send, so kanna vit upplýsingarnar, áðrenn tiltakið kemur við í skránna.
SKRÁSET TILTAK TIL FJØLMENTANARVIKUNA
Fleiri tiltøk eru longu løgd til rættis, til dømis setanin, stuttsøgukapping, stuttfilmskapping, familjutiltak, dansikvøld og konsertir. Les meira í skránni niðanfyri. Gev gætur, at skráin verður dagførd, so hvørt sum tiltøk verða løgd afturat, so fylgið við á hesari síðuni.
Vit hava eisini framleitt eina hugskotskjáttu, sum allir fyriskiparar og luttakarar á Fjølmentanarvikuni kunnu brúka til íblástur. Les meira um hugskotskjáttuna niðanfyri á hesari síðuni.
Góð ráð
Góð ráð
Her eru nøkur góð ráð til tey, ið arbeiða við ungum fólkum og børnum úr tilflytarabólkum og til luttakarar á Fjølmentanarvikuni:
- Hóast tvey fólk eru úr sama minnilutabólki, so er ikki vist, at tey hava nakað til felags.
- Legg dent á tey eyðkenni, tit hava í felag, og minst til, at øll ung eru einstaklingar, hvør upprunin so er.
- Ung fólk hava fleiri samleikar alt eftir umstøðum. Umframt at vera »útlendingar«, so kunnu tey eisini vera til dømis: Dansari, abbi, tónleikari, bókormur, sangari, hondbóltspælari ella ein, ið elskar borðspøl. Tí er týdningarmikið ikki bara at leggja dent á ein tátt av teirra samleika – hugsa heldur um, hvat tey halda vera týdningarmikið.
- Ver varin við at brúka heitir, tí heitir kunnu kennast stigmatiserandi
- Tað kann vera stórur munur á at vera tilflytari og at vera flótti. Tað er ikki vist, at flóttar hava hug til at tosa um eitt nú kríggj.
