Á valkortinum stendur, hvar tú skalt greiða tína atkvøðu, tað vil siga valstaðið, tú hoyrir til. Á hesum kortinum sært tú, hvar tey eru:
Ivast tú í, hvat fyri valstað tú hoyrir til, til dømis tí tú ikki hevur fingið títt valkort, kanst tú kunna teg um tað niðanfyri.
Minst til at seta krossin rætt, tá tú velur. Tú skalt annaðhvørt seta kross fyri tí lista, tú ætlar at velja, ella fyri einum valevni. Tú sært dømi um, hvussu tú skalt gera, og hvussu tú ikki skalt gera, her:
Vilt tú vita, hvussu nógv býráðsumboð og atkvøður flokkarnir fingu í 2016 og á undanfarnum kommunuvalum, kanst tú kanna tað nærri á heimasíðuni hjá Kringvarpi Føroya, sum skrásetur og almannakunnger øll valúrslit.
Á somu síðu kanst tú eisini fylgja við í kommunuvalinum 10. november. Tá ið endaligu úrslitini eru tøk, fert tú eisini at síggja tey her á heimasíðuni á síðu okkara um kommunuval.
Valluttøkan í Tórshavnar kommunu er hækkað seinastu trý kommunuvalini.
Á seinasta býráðsvali í 2016 atkvøddu 79, 5 % av veljarunum í Tórshavnar kommunu. Tað er eitt sindur omanfyri valluttøkuna á kommunuvalinum í 2012, tá ið 77,37 % greiddu atkvøðu. Á kommunuvalinum í 2009 var valluttøkan 72,4 %.
Nú nógv fólk fara at savnast á sama stað á valdegnum, er tað umráðandi, at vit øll fylgja tilmælunum hjá koronaráðgevingini neyvt. Tí hava Tórshavnar kommuna og valstýrini skipað fyri, at avkvøðgreiðslan kann fara fram so trygt sum gjørligt fyri bæði veljaran og hjálparfólk.
Tað vil í høvuðsheitum siga, at vit:
Pennarnir í atkvøðuboksini verða bara brúktir av einum persóni. Tá ein pennur er brúktur eina ferð, verður hann beindur í ein kassa og sprittaður. Atkvøðuklivarnir verða somuleiðis javnan sprittaðir. Skermar eru á valborðinum millum veljarar og hjálparfólkini, sum øll arbeiða í handskum, har tað verður mett neyðugt. Øll hjálparfólk verða kannað fyri koronu dagin fyri valdagin.
um tú ert í sóttarhaldi
Ert tú í sóttarhaldi vegna COVID-19, skalt tú ikki møta á valstaðnum fyri at greiða atkvøðu til kommunuvalið 10. november. Í staðin hevur tú møguleika fyri at brævatkvøða.
Atkvøðugreiðsla við brævi fer fram frá týsdegnum 3. november 2020 til mánadagin 9. november 2020. Tín atkvøðuseðil skal vera komin fram til valstaðið, áðrenn atkvøðugreiðslan byrjar á valdegnum 10. november.
Set teg í samband við Snarskivuna á tel. 30 20 10, soleiðis at valnevndin kann fyrireika, hvussu atkvøðugreiðslan við brævi skal fara fram.
Valstaðið í Tórshavn
Í Høllini á Hálsi skulu meira enn 13000 veljarar atkvøða. Fyri at tiltøkini móti smittu ikki skulu seinka valgongdina, hava vit lagt serligan dent á at skipa umstøðurnar á Hálsi væl. Tað gera vit soleiðis:
Ert tú illa gongd, ella brúkar tú koyristól, kanst tú parkera og sleppa inn í valhølið eystarumegin høllina, har fólk taka ímóti og vegleiða.
Vilt tú síggja myndlýsing av, hvussu valstaðið er skipað á valdegnum, finnur tú hana her:
Í kommunuvalslógini finnur tú meginpartin av reglunum um val til kommunurnar. Tó vísir lógin í summum førum til lógina um løgtingsval.
Lógin um val til allar føroyskar kommunur (logir.fo)
Í summum støðum vísir lógin um val til allar føroyskar kommunur til lógina um val til Løgtingið. Hana finnur tú her:
Í bóklinginum Kommunuval 2020 hjá Umhvørvis- og vinnumálaráðnum kanst tú lesa meira um, hvussu kommunuvalið 2020 eigur at fara fram sambært lóggávuni.
