Sjálvgreiðsla
Leita
Lat aftur
Finn títt valstað
Á valkortinum sært tú, hvar tú skalt greiða tína atkvøðu. Tú fært valkortið sendandi í seinasta lagi tvær vikur áðrenn valdagin. Á kortinum niðanfyri sært tú, hvar øll valstøðini eru í kommununi:
Ivast tú kortini í, hvat fyri valstað tú hoyrir til, tí tú til dømis ikki hevur fingið nakað valkort sendandi, kanst tú kunna teg nærri um valstøðini niðanfyri.
Soleiðis greiðir tú atkvøðu
Greið atkvøðu áðrenn valdagin (brævatkvøða)
Hav valkortið við tær
Soleiðis setir tú krossin rætt
Minst til at seta krossin rætt, tá tú velur. Annars telur atkvøðan ikki við.
Tú skalt antin seta kross fyri tí lista, tú ætlar at velja, ella fyri einum valevni. Myndin niðanfyri vísir, hvussu tú skalt gera, og hvussu tú ikki mást gera:
Soleiðis greiðir tú tína atkvøðu á valdegnum
Soleiðis finnur tú títt borð á valstaðnum á Hálsi
Skalt tú í Høllina á Hálsi at velja, ert tú ein av umleið 10.000 veljarum. Tað er tí skilagott, at tú fyrireikar teg uppá, hvat fyri valborð tú skalt fara til, tá tú kemur í Høllina.
Finn fyrst títt nummar á valkortinum, ið stendur ovast vinstrumegin:
Er nummarið frá 24776 til 26900, skalt tú fara til borð 1
Er nummarið frá 26901 til 29025, skalt tú fara til borð 2
Er nummarið frá 29026 til 31150, skalt tú fara til borð 3
Er nummarið frá 31151 til 33275, skalt tú fara til borð 4
Er nummarið frá 33276 til 35600, skalt tú fara til borð 5
Hjálp til at atkvøða
Hvønn kann eg velja?
Parkering og atkoma fyri rørslutarnað
Parkering á Hálsi
Slepp undan bíðirøðum – nýt onnur parkeringsøki ella tak bussin
Týsdagin 12. november hava omanfyri 10.000 veljarar rætt til at greiða sínar atkvøður í Høllini á Hálsi. Stóra talið av veljarum hevur við sær, at trýst er á ferðsluni. Sum oftast tí nógv fólk ætla sær inn á parkeringsøkið uttanfyri høllina í senn. Fyri at sleppa undan ferðslutøppum, mæla vit tískil til at nýta onnur parkeringspláss í økinum. Til dømis parkeringsplássini á Hálsi, Tórsbreyt, við Badmintonhøllina og uttanfyri Gundadalshøllina og Badmintonhøllina. Á myndini niðanfyri sært tú øll parkeringsplássini nærindis Høllini á Hálsi.
Trýstið er minst millum klokkan 18 og 20.
Royndirnar frá undanfarnum valum vísa, at trýstið er minst frá klokkan 18 til 20, meðan flest koma á valstaðið millum klokkan 15 og 17. Tilmælið um at nýta onnur parkeringspláss er sostatt galdandi allan dagin, tí vit kunnu vænta, at ferðslan økist út á dagin.
Millum klokkan 15 og 17 er ferðslutrýstið frammanundan stórt, tí tá fara fólk heim frá arbeiði, og tað kann tískil gerast truplari at finna parkeringspláss við høllina.
Tað er somuleiðis vert at vita, at flest allar leiðir hjá Bussleiðini hava steðgipláss tætt við valstaðið á Hálsi.
Atkoma fyri rørslutarnað á Hálsi og hjálp til at velja
Á myndini niðanfyri sært tú, hvar parkeringsøkið til rørslutarnað er uttanfyri valstaðið á Hálsi. Í økinum beint uttanfyri høllina er parkering bara loyvd fyri rørslutarnað og hýruvognar.
Inngongdina fyri rørslutarnað finnur tú miðskeiðis á norðursíðuni:
Hjálp til at greiða atkvøðu
Tørvar tær hjálp til at atkvøða, kanst tú fáa hjálp frá tveimum persónum at greiða atkvøðu í atkvøðuhølunum ella beint uttanfyri atkvøðuhølini, til dømis í einum bili. Tú kanst krevja, at annar persónurin er ein, sum tú sjálv vísir á.
Tørvar tær hjálp, mást tú fáa ein avvarðandi at fara inn í valhølini og siga valstýrinum ella hjálparfólkunum á valstaðnum frá.
Hóast tú fært hjálp til at velja, skalt tú sjálv skilliga siga ella á annan hátt vísa á, hvørjum tú vilt atkvøða fyri. Tú kanst bert fáa hjálp til at seta krossin á atkvøðuseðilin, um tú beinleiðis og týðiliga kanst siga við tann ella tey, sum hjálpa tær, hvønn flokk ella hvat valevni tú ynskir at atkvøða fyri. Tað er til dømis ikki nóg mikið, at tað stendur á einum lepa, sum tú hevur havt við heimanífrá, ella at tað verður miðlað av einum tulki.
Parkering við Hoyvíkshøllina
Parkeringsmøguleikarnar við valstaðið í Hoyvík sært tú her:
Valúrslit
Vilt tú vita, hvussu nógv býráðsumboð og atkvøður flokkarnir fingu í 2020 og á undanfarnum kommunuvalum, kanst tú kanna tað nærri á heimasíðuni hjá Kringvarpi Føroya, ið skrásetir og almannakunnger øll valúrslit.
Á somu síðu kanst tú eisini fylgja við í kommunuvalinum 12. november. Tá ið endaligu úrslitini eru tøk, fert tú eisini at síggja tey á hesari síðuni.
Valluttøka
Valluttøkan í Tórshavnar kommunu er hækkað seinastu fýra kommunuvalini.
Á seinasta býráðsvali í 2020 atkvøddu 81,1 prosent av veljarunum í Tórshavnar kommunu. Tað er eitt sindur omanfyri valluttøkuna á kommunuvalinum í 2016, tá ið valluttøkan var 79,5 prosent. Í 2012 var valluttøkan 77,37 prosent, og í 2009 var hon 72,4 prosent.
Úrslit av valinum til staðbundnar nevndir
Hvítanesnevndin
Kaldbaksnevndin
Kirkjubøar- og velbastaðnevndin
Kollafjarðarnevndin
Nólsoyarnevndin
Bakgrundskunning
Kommunuvalslógin
Í kommunuvalslógini finnur tú meginpartin av reglunum um val til kommunurnar. Tó vísir lógin í summum førum til lógina um løgtingsval.
Lógin um val til allar føroyskar kommunur (logir.fo)
Lógin um val til Løgtingið
Partar av lógini um val til allar føroyskar kommunur vísir til lógina um val til Løgtingið. Lógina um val til Løgtingið sært tú her:
Bóklingurin »Kommunuval 2024«
Tú kanst tú lesa meira um, hvussu kommunuvalið 2024 eigur at fara fram sambært lóggávuni í bóklinginum Kommunuval 2024 hjá Løgmálaráðnum:
Upplatingartíðir
| Mánadag - hósdag | 9 | - | 16 |
| Fríggjadag | 9 | - | 15 |