Søk um umhvørvisstuðul
Hvørt ár letur Tórshavnar kommuna 250.000 krónur í umhvørvisstuðli til verkætlanir, sum taka sær av okkara náttúru og umhvørvi. Stuðulin verður latin í umhvørvisvikuni.
Søk um umhvørvisstuðul á Vanganum
Hevur tú Samleikan, søkir tú á Vanganum. Tá tú hevur søkt fært tú eina kvittan í MínBoks.
Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum. Tá tú søkir umvegis Vangan kanst tú kunna teg um journalnummar og støðuna á málinum á veitarasíðuni.
Umsóknarfreistin er 31. mars 2024.
Bæði einstaklingar, virkir, stovnar og feløg kunnu søkja kommununa um umhvørvisstuðul. Treytin fyri at fáa stuðul er, at tú annaðhvørt býrt í Tórshavnar kommunu, ella at verkætlanin gagnar umhvørvinum í kommununi.
Dømi um verkætlanir kunnu vera:
- Skeið
- Verkstovur
- Tiltøk
- Upplýsandi tilfar
Verkætlanirnar, sum koma til viðgerðar, nýtast ikki at vera nýggjar. Tað ber til at søkja um stuðul tvey ella fleiri ár á rað.
Tú søkir umhvørvisstuðul á Vanganum. Hevur tú ikki skrásett tær Samleikan, ið krevst fyri at søkja á Vanganum, kanst tú gera tað á heimasíðuni hjá Samleikanum.
Søk um umhvørvisstuðul á Vanganum
Tá tú søkir, skalt tú millum annað velja eitt gott og sigandi heiti til tína verkætlan og greiða frá endamálinum við verkætlanini. Minst til eisini at vísa á, hvussu verkætlanin kann gagna umhvørvinum, borgarunum og Tórshavnar kommunu. Harumframt skalt tú útgreina, hvussu tú hugsar at leggja arbeiðið til rættis og fremja verkætlanina í verki.
Minst til at lesa reglugerðina fyri stuðul til umhvørvistiltøk áðrenn tú søkir, tí í henni finnur tú treytirnar og fært eina ábending um, hvussu tú søkir.
Freistin at søkja umhvørvisstuðul er 31. mars 2024.
Tú fært svar í umhvørvisvikuni, sum verður frá 4. til 11. mai 2024.
Ein verkætlan kann í mesta lagi fáa helmingin av samlaða umhvørvisstuðlinum. Tað vil siga, at tú í mesta lagi kanst fáa játtað 125.000 krónur til tína verkætlan.
Fært tú av onkrari orsøk ikki brúkt Vangan, kanst tú nýta umsóknarskjalið niðanfyri. Fyll skjalið út og send tað til torshavn@torshavn.fo ella handa okkum skjalið í Snarskivuni, Vaglið 11, í Tórshavn.
Letur tú skjalið inn sum teldubræv, mást tú minnast til at skriva »Umsókn um umhvørvisstuðul« í evnisteigin.
Treytin fyri at søkja er, at tú ert búsitandi í Tórshavnar kommunu, ella at verkætlanin gagnar umhvørvinum í kommununi. Stuðulsreglugerðina finnur tú her:
Her sært tú, hvørjar verkætlanir hava fingið játtað umhvørvisstuðul árini 2010-2024.
