Gestanæmingar
Næmingar, ið búgva uttanlands, kunnu í eitt styttri tíðarskeið vera gestanæmingar í skúla ella forskúla í Tórshavnar kommunu.
Tú skalt søkja um pláss við at venda tær til tann skúlan, tú ynskir, at barnið skal ganga í, meðan tað vitjar í Føroyum. Niðanfyri sært tú eitt yvirlit yvir skúlarnar. Her finnur tú eisini sambandsupplýsingarnar hjá skúlunum.
Treytir fyri upptøku sum gestanæmingur
Treytir fyri upptøku sum gestanæmingur
Títt barn kann vera gestanæmingur í skúla ella í forskúla í eitt stutt tíðarskeið, um barnið:
- Er og ferðast hjá familju
- Býr hjá familju eina tíð, tí foreldur til dømis eru sjúk
- Foreldur eru heima í starvsvenjing í samband við útbúgving
- Foreldur eru útsend av arbeiðsplássinum
- Barnið býr hjá tí foreldrinum, sum barnið ikki hevur bústað hjá
- Barnið hevur gingið í flokkinum fyrr og er heima og ferðast
Niðanfyri finnur tú leiðreglurnar fyri upptøku av gestanæmingum.
Leiðreglur fyri upptøku av gestanæmingum í Tórshavnar kommunu
Skal barnið eisini í frítíðarskúla?
Skal barnið eisini í frítíðarskúla?
Tað er ikki vist, at títt barn eisini fær pláss í frítíðarskúla, hóast barnið fær tillutað pláss á einum skúla. Tú skalt venda tær til frítíðarskúlarnar í kommununi fyri at kanna tínar møguleikar. Kunna teg nærri um frítíðarskúlarnar niðanfyri.
