Freistin nærkast at søkja úr grunninum Nuuk, Reykjavík, Tórshavn

1.apríl er freistin at søkja stuðul úr grunninum Nuuk, Reykjavík, Tórshavn. Endamálið við grunninum er at styrkja samstarvið og fatanina millum politikarar og borgarar í Tórshavnar kommunu, Nuuk, og Reykjavík.

Umsøkjarar, ið fáa stuðul úr grunninum, skulu birta undir samstarvið millum býirnar.

Í fjør komu sjey umsóknir úr Føroyum til grunnin. Tær fingu úr 15.000 krónum uppí 40.000 í stuðli.

Samlaða stuðulsupphæddin í ár er 900.000 krónur. Hvør býur letur 300.000 krónur í grunnin í ár.

Umsóknarblað og meira kunning sæst á heimasíðuni hjá Tórshavnar kommunu.

Umsóknarfreistin er 1.apríl 2024.