Serflutningsloyvi
Hevur tú fyri neyðini at nýta vegakervið til serliga stóran ella tungan flutning, ella tørvar tær at flyta serliga stórt akfar sum flytikrana ella bingjutrukk, skalt tú søkja um serflutningsloyvi.
Ásetingarnar um mest loyvdu breidd, longd, hædd, vekt og ástrýst á akførum finnur tú í Dimensiónskunngerðini. Heldur akfarið ikki ásetingarnar, mást tú útvega tær eitt serflutningsloyvi.
Fyri at fáa serflutningsloyvi skalt tú útfylla umsóknarblaðið um flutningsloyvi, sum tú finnur á heimasíðuni hjá løgregluni. Løgreglan letur flutningsloyvið í samráð við kommununa.
Er talan um ferðslu eftir kommunalum vegi, sendir løgreglan Tórshavnar kommunu umsóknina til góðkenningar. Játtar kommunan, at loyvið kann latast, senda vit váttan aftur til løgregluna.
Fáa vit ikki latið loyvið sambært umsóknini, kunnu vit annaðhvørt vísa til aðra møguliga farleið ella seta aðrar treytir til flutningin soleiðis, at flutningurin verður til so lítlan ampa fyri ferðsluna og vegakervið sum til ber.
Tað er umráðandi, at tú søkir um loyvi í góðari tíð, tí fleiri myndugleikar skulu spyrjast.
Dimensiónskunngerðin um breidd, longd, hædd og annað (politi.fo)
Umsókn um flutningsloyvi (politi.fo)