Leysar sølubúðir og hissini søluloyvi
Rekur tú ein pylsuvogn, fiskabil, plantuvogn ella tílíkt, og ynskir tú tær nøkur føst støð at standa og selja tínar vørur? Ella ætlar tú tær bara at selja eitthvørt ein ávísan dag ella í sambandi við eitt tiltak?
Í báðum førum skalt tú søkja bæði kommununa og løgregluna um loyvi at nýta økið.
Afturvendandi søla krevur, at tú søkir tær eitt-ára-loyvi til leysa sølubúð. Skalt tú hinvegin bara selja ávísar dagar, skalt tú søkja um eitt sonevnt hissini søluloyvi. Niðanfyri kanst tú kunna teg um, hvat ávikavist eitt-ára-loyvi og hissini søluloyvi eru, og hvørjar treytirnar eru fyri at fáa loyvini.
Ynskir tú at søkja um eitt-ára-loyvi til leysa sølubúð, skalt tú senda ein teldupost til torshavn@torshavn.fo. Minst til at skriva "Umsókn um eitt-ára-loyvi til leysa sølubúð" í evnisteigin.
Tín umsókn skal í minsta lagi hava hesar upplýsingar:
- Navn, føðingardag, bústað og telefonnummar
- Mynd og mát av vogninum
- Upplýsingar um, hvat tú ætlar tær at matgera ella selja
Aftast í reglugerðini fyri leysar sølubúðir og hissini søluloyvir sært tú, hvar møguligu søluplássini eru í býnum.
Tú kanst søkja um hissini søluloyvi her:
Aftast í reglugerðini fyri leysar sølubúðir og hissini søluloyvir sært tú, hvar møguligu søluplássini eru í býnum.