Tøknilig vegleiðing til heimasíðuna
Heimasíðan hjá kommununi er gjørd til at rigga eins væl í øllum kagum. Er tín kagi dagførdur, so eigur heimasíðan at rigga á honum. Hon eigur eisini at vera brúkaravinarlig á øllum tóleindum, so sum á snildfonum og teldlum.
Kagan Microsoft Explorer mæla vit tó frá at brúka, tí hesin kagin verður ikki víðarimentur og er sostatt hvørki tryggur fyri teg ella okkum at brúka. Tað merkir millum annað, at vit ikki kunnu tryggja, at kagin riggar á síðuni. Vit mæla tí til, at tú velur tær ein annan kaga, so sum Firefox, Chrome, Safari ella Edge.
Í summum førum nýta vit PDF-fílur sum umsóknarskjøl, tú kanst fylla út í tínum kaga. Gev tó gætur, at í summum førum noyðist tú at taka PDF-fíluna niður og goyma hana á telduni, áðrenn tú kanst fylla fíluna út.
Hetta slagið av PDF-fílum nýta vit bara í teimum førum, har tænastan ikki frammanundan liggur tøk á Vanganum.
Fyri at lesa PDF-fílur noyðist tú at hava Adobe Acrobat Reader. Forritið fylgir við flestu teldum og teldlum, ið verða keypt í dag.
