Barnatannrøktin bjóðar øllum børnum og ungum frá 0 til 17 ár í Tórshavnar kommunu alla neyðuga tannrøkt. Tilboðið fevnir bæði um vanligt eftirlit og viðgerð og um tannrætting og skaðar.
Tænastan er ókeypis. Tannrøktin leggur stóran dent á fyribyrgjandi arbeiði. Frá tvey ára aldri verður barnið regluliga innkallað til kanningar. Miðhæddin í tannlæknastovuni í Tórsgøtu er innrættað til koyristólar.
Tannrætting
Sertannlækni í tannrætting kannar øll børn í 5. flokki. Í hesum sambandi taka vit ofta stóra røntgenmynd. Myndin vísir, um tenn og andlit búnast á rættan hátt. Sertannlæknin metir um, hvørt tenninar skulu rættast, og nær viðgerðin skal byrja. Tannrættingin er ókeypis, men treytað av, at tenninar verða væl røktar.
Umleið fjórða hvørjum barni tørvar tannrætting.
Tannskaðar
Barnatannrøktin viðger ókeypis allan tannskaða, til viðkomandi fyllir 18 ár. Í summum førum er neyðugt at bíða við at endaliga viðgera skaða til 20 ára aldur ella seinni. Tí er umráðandi at hava eina trygging, ið fevnir um tannskaða. Tú skalt boða tryggingini frá skaðanum beinanvegin. Tannlæknin hjálpir tær at fylla skjølini út.
Barnatannrøktin
Arbeiðsøki
Arbeiði hjá Barnatannrøktini fevnir um hesi øki:
fyribyrging
eftirlit
viðgerð
tannrætting
tannskaðar
Skipan av deildini
Barnatannrøktin er skipað sum partur av trivnaðarfyrisitingini.
Deildin er býtt upp í toymi, deildir og stovnar. Tilsamans starvast 26 starvsfólk á Barnatannrøktini. Unn Jakobsen er tannlæknastjóri.
Um Barnatannrøktina
Barnatannrøktin heldur til í Tórsgøtu 23.
Barnatannrøktin hevur eisini tannlæknastovur í hesum skúlum:
Skúlin við Løgmannabreyt Karlamagnusarbreyt 47 188 Hoyvík
Skúlin á Argjahamri Glyvursvegur 44 160 Argir
Kollafjarðar skúli Við Sjógv 2 410 Kollafjørður
Meginskúlin á Sandi Heimasandsvegur 142 210 Sandur
