Barna- og ungdómsdeildin hevur kommunalu barnaansingina um hendi við støði í løgtingslógini um dagstovnar og dagrøkt. Harundir eisini frítíðarskúlar og ungdóms- og virkishús.
Týðandi partur av virksemisøkinum er harumframt at veita námsfrøðilig tilboð og ráðgeving til børn við serligum avbjóðingum. Barna- og ungdómsdeildin veitir eisini námsfrøðiliga ráðgeving til stovnar um til dømis námsætlanir, royndar- og menningarvirksemi, børn við serligum avbjóðingum, inklusjón og annað.
Barna- og ungdómsøkið
Arbeiðsøki
Arbeiðið hjá Barna- og ungdómsdeildini fevnir um:
menning av dagstovnaøkinum
námsfrøðilig tilboð og ráðgeving
skeið og evnisdagar
fyrisiting
samskipan
Skipan av deildini
Barna- og ungdómsdeildin er skipað sum partur av trivnaðarfyrisitingini. Á Barna- og ungdómsdeildini verður arbeitt í toymum.
Toymini á deildini eru hesi:
Fyrisitingarligt toymi:
deildarleiðari
fulltrúar
skrivari
Eindarleiðaratoymi:
eindarleiðarar
Námsfrøðiligt ráðgevaratoymi:
ráðgevandi leiðari
námsfrøðiligir ráðgevarar
dygdarmennari
Jan Mølvad Laursen er leiðari á deildini. Umframt leiðaran starvast 12 fólk. Millum hesi eru:
ein skrivari
ein dygdarmennari
tveir fulltrúar
fýra eindarleiðarar
ein ráðgevingarleiðari
tríggir námsfrøðiligir ráðgevarar
Um Barna- og ungdómsdeildina
Barna- og ungdómsdeildin heldur til í Niels Finsens gøtu 31. Eindarleiðararnir halda til á Jónas Broncks gøtu 7.