Tíðindi

Nýtt tún verður nú gjørt uttanfyri Svimjihøllina í Gundadali.

Verðandi tún, sum varð gjørt í 1982, tá Svimjihøllin varð bygd, er illa farið.

Sáttmálin varð í dag undirritaður við felagið Múrskeiðina um at gera arbeiðið. 

Tað vóru Heðin Mortensen, borgarstjóri í Tórshavnar kommunu, og Hallur Danielsen, stjóri í Múrskeiðini, ið skrivaðu undir sáttmálan.

Niels Finsens gøta er stongd frá Steinatúni til Kongagøtu mikumorgunin 3. juli frá klokkan 6 til klokkan 8 í sambandi við eitt arbeiði.

Nú seinnapartin kl. 15 var reisigildi fyri Høllini við Tjarnir. Arbeiðið hevur gingið sera væl og í dag varð seinasta sperran sett uppá pláss.

Asfaltarbeiðið, ið skuldi gerast á Traðargøtu og Støðlagøtu á Argjum í dag, er útsett til í annaðkvøld, leygarkvøldið 29.juni klokkan 22.

Í kvøld hevði Tórshavnar kommuna móttøku fyri súkklarum og hjálparfólki hjá Team Rynkeby. Tey fara av landinum í kvøld og fara at súkkla til París.

Í sambandi við asfaltering av Traðargøtu á Argjum fríggjadagin 28. juni, verður leið 1 umløgd, meðan arbeiðið fer fram. Frá kl. 8 til 16 koyrir leið 1 ikki eftir Argjavegnum, Rossagøtu og Traðargøtu. Koyrt verður í staðin eftir Velbastaðvegnum, eftir nýggju brúnni og víðari eftir ferðaætlanini niðan á Hamarin.

Støðlagøta og Traðargøta á Argjum verða stongdar fríggjadagin 28. juni frá klokkan 7 til 17. Hetta er í sambandi við asfaltarbeiði.

Hósdagin 27. juni taka vit vatnið í Handan Á í Havn frá klokkan 10-12 í sambandi við vatnleiðingsarbeiði. Vit mæla íbúgvum í økinum til at lata vatnið renna eina løtu, tá ið vatnið er komið aftur. 

Bryggjubakki er stongd frá Vágsbotni til Bringsnagøtu hósdagin 27. juni klokkan 8-11 í sambandi við arbeiði við Havnar Kirkju.

Fleiri vegir eru stongdir í miðbýnum frá fríggjamorgninum 28. juni til sunnudagin 30. juni. Vegirnir eru stongdir í sambandi við tiltakið Voxbotn.