Leita

Lat aftur

Tema

Hitt okkum á Jobmatch 2024

"Eg havi altíð elskað kontakt við onnur menniskju, og eg veit, at eg geri ein mun hvønn dag"

- Rudi Samuelsen, sjúkrarøktarfrøðingur á Boðanesheiminum

Hitt okkum á Jobmatch 2024

Kom framvið og heilsa uppá okkum á Jobmatch 30. desember 2024, sum verður í Norðurlandahúsinum frá 12.00-17.00. Vit sita klár at práta við teg um starvsmøguleikar í kommununi.

Her kanst tú lesa, hvat tú kanst vænta av Jobmatch, og hvussu tú bíleggur eitt prát við okkum.

Tórshavnar kommuna er eitt arbeiðspláss við nógvum ymiskum starvsfólkum og fakbólkum og við nógvum fjølbroyttum arbeiðsuppgávum. Av tí sama hava vit ofta tørv á nýggjum starvsfólkum. Tað hendir nógv í kommununi, og vit eru samstundis ein kommuna í støðugari menning. Tí hava vit eisini ofta tørv á fleiri dugnaligum starvsfólkum.

So kom framvið, og greið okkum frá tínum førleikum, hitt okkara fittu starvsfólk og fá eitt prát um, hvussu tað er at arbeiða í Tórshavnar kommunu.

Á hesari síðuni greiða vit tær stutt frá, hvussu tú ber teg at við at koma í samband við okkum á Jobmatch, hvussu JobPrátið gongur fyri seg, og hví eitt óformligt JobPrát kann vera eitt sera gott hugskot.

Síggjast á Jobmátch í Norðurlandahúsinum frá kl. 12.00-17.00 30. desember 2024.

Kom við og ger mun!

Tilmelding og JobPrát - soleiðis gert tú

Tú meldar til Jobmatch og bíleggur JobPrát á heimasíðuni hjá Jobmatch. Fyrst skrásetur tú teg við tínum upplýsingum, soleiðis at vit vita, hvønn tú fært mest burturúr at tosa við í Tórshavnar kommunu.

Tú skrásetur teg her:

Melda til Jobmatch (jobmatch.fo)

Tá tú hevur skrásett teg, kanst tú rita inn í skipanina og bíleggja eitt JobPrát. Tað gert tú við at velja yvirskriftina »fyritøkur« ovast í vinstra bredda, tá tú hevur ritað inn. Nú sært tú búmerkið hjá Tórshavnar kommunu sum tað fyrsta í yvirlitinum yvir fyritøkur.

Trýst á búmerkið, so sært tú, hvørjar bíleggingarmøguleikar tú hevur. Tú kanst nú velja eina av klokkutíðunum í yvirlitinum.

Liggur betur fyri at práta við okkum uttanfyri fastløgdu klokkutíðirnar, kanst tú biða um »Talgilt JobPrát«, sum er eitt prát uttanfyri ásettu tíðirnar.

Hví práta við okkum?

Bíleggur tú eitt JobPrát, so finna vit tann leiðaran í kommununi, sum veit mest um tað, tú ert áhugað/ur í, og sum kann svara tínum spurningum

JobPrátið er ikki ein setanarsamrøða. Tað merkir millum annað, at tú sjálv/ur ert við til at gera av, hvat vit práta um. Vit vilja fegin vita, hvør tú ert og hvørjar royndir og førleikar tú hevur, men tú ert við til at gera av, hvat vit tosa um. Kanska vit hava eitt starv til tín nú - kanska hava vit eitt um skamma stund?

Kommunan er eitt sera stórt arbeiðspláss, har sera nógvir ymiskir fakbólkar starvast og trívast. Og vit hava nógvar verkætlanir fyri framman, ið krevja serligar og stundum samansettar førleikar. Eisini raksturin krevur viðhvørt, at vit víðka starvsfólkahópin.

Fært tú starv hjá Tórshavnar kommunu, ert tú hvønn dag við til at mynda og menna Tórshavnar kommunu. Her kanst tú nýta tíni evni til fulnar, og tínir førleikar verða virðismettir og mentir.

Tórshavnar kommuna sum arbeiðspláss

Tórshavnar kommuna er eitt av størstu arbeiðsplássunum í Føroyum við umleið 2.000 starvsfólkum í 95 ymiskum eindum, stovnum og deildum.

Fakbólkarnir í Tórshavnar kommunu eru mangir. Nøkur fá dømi eru:

Tú kanst lesa meira um deildirnar og fyrisitingarliga bygnaðin her:

Politiskur og fyrisitingarligur bygnaður

Fyrireika teg til Jobmatch

Her finnur tú seks góð ráð til tín ætlar sær á Jobmatch 2024.

Fyrireiking áðrenn Jobmatch (jobmatch.fo)