Leita

Lat aftur

Tema

Fjølmentanarvikan 2024

Kom við á Fjølmentanarviku!

25. oktober til 2. november.

Kom við til familjudag, fjølmentanardans, dansiverkstovur, myndlistaframsýning, matverkstovu, bindiverkstað, søgukvøld, tónleikaframførslur og mangt annað, tá ið Fjølmentanarvikan fer av bakkastokki í oktober.

Kom við á Fjølmentanarviku!

25. oktober til 2. november.

Kom við á Fjølmentanarviku!

Kom við til Familjudag, fjølmentanardans, dansiverkstovur, myndlistaframsýning, bindiverkstað, søgukvøld, tónleikaframførslur og mangt annað, tá ið Fjølmentanarvikan fer av bakkastokki í oktober.

Leita tær íblástur úr Hugskotskjáttuni

Hugskotskjáttan kann nýtast sum íblástur til at skipa fyri virksemi á Fjølmentanarvikuni.

Leita í skjáttuni her:

Hugskotskjáttan FMV

Fjølmentanarvikan 2024

Kom við til Familjudag, fjølmentanardans, dansiverkstovur, myndlistaframsýning, bindiverkstað, søgukvøld, tónleikaframførslur og mangt annað, tá ið Fjølmentanarvikan fer av bakkastokki í oktober.

Fjølmentanarvikan er eitt integratiónsátak, sum Tórshavnar kommuna hevur sett i verk. Í 2022 fekk átakið heitið Fjølmentanarvikan, Multicultural Week á enskum, og fekk tá tað skap, hon hevur í dag. Fjølmentanarvikan er í høvuðsheitum eitt átak, sum hevur til endamáls at viðurkenna, fevna og fagna teimum ymisku mentanunum, sum eru í Føroyum.

Fjølmentanarvikan er karmur um felags upplivingar, sum skapa felags minni og vónandi viðvirkar til at styrkja felagsskapskensluna. Dentur er lagdur á, at vikan skal hava ein jaligan og forvitnisligan anda, og at øll skulu kenna seg vælkomin og trygg. Fjølmentanarvikan hevur ikki ávísa politiska stevnu.

20Okt23 B3A7060 OF WEB Setan Av Fjølmentanarvika

Trýst á myndina

Hvat verður á skrá?

FMV-skráin er ikki endalig enn, men nevnast kann, at vit hava tann vanliga Fjølmentanardansin í Perluni. Nýtt í ár er, at vit hava fleiri verkstovur, eitt nú Dansiverkstovur í Norðurlandahúsinum, og har kanst tú støkka inn og royna Bacchata, Afrobeat og dans til Peruvianskar rytmur, og tú kanst fara upp á gólv. Eisini hava vit Myndlistaframsýning í Perluni, umframt stand up verkstovu, Bindiverkstovu og Søgukvøld í Reinsarínum og Altjóðahúsinum.

Vit enda Fjølmentanarvikuna í ár við einum stórum tiltaki í hølunum hjá Poul Michelsen Á Hálsi, har vit í samstarvi við Stuðulstoymið skipa fyri einum Street-inspireraðum tiltaki: Street Culture (Street-mentan) við mati, dansi, tónleikaframførslum og mongum øðrum. Øll eru vælkomin til øll tey almennu tiltøkini.

Fjølmentanarvikan 2024

Fríggjadagur 25. oktober

Kl. 18.00 Almen setan av Fjølmentanarvikuni

Sunda kommuna er vertur fyri setanini
Jógvan Kruse setir Fjølmentanarvikuna, og Siri Stenberg førir fram røðu
Tema fyri 48-tímars stuttfilmskapping verður avdúkað. Les meira á heimasíðuni hjá Klippfisk: www.klippfisk.fo
Suðuramerikanskir tónar við Sergio Martínez Muñoz og Cinthia González Parada
Yann Sadembou bjóðar øllum upp á gólv at dansa
Dansibólkurin Bailamos fer at dansa bachata
Smakka mat úr Kenya og filipsoyggjum. Eisini bjóða vit kaffi og kakur.
Frítíðarfelagsskapir í Sunda kommunu vísa, hvørji tilboð tey hava til borgararnar

Stað: Skúlin við Streymin, Oyrabakki

Kl. 18.00 "Potluck"

Smakkiroyndir av mati úr:
- Pakistan
- Kenya
- USA
- Filipsoyggjum
- Italia
- Ghana
- Skotlandi
Øll eru hjartaliga vælkomin

Stað: Bygdahúsið, Miðvágur

Kl. 18.30 48-tíma stuttfilmskappingin byrjar

Øll kunnu luttaka
Filmar kunnu bæði gerast við telefon ella filmsútgerð
Tilmelding fer fram í seinasta lagi 24. oktober á klippfisk.fo. Sí kunning á www.klippfisk.fo
Vinnarir av kappingini verða kunngjørdir leygardagin 2. november á stórum tiltaki í PM pluss

Stað: Filmast kann har tit sjálvi ynskja tað.

Leygardagin 26. oktober

Kl. 10-16 Dansiverkstovur í Norðurlandahúsinum

Bachata við Sharon Sivertsen
Afro Beat við Yann Sambou
Peruvianskar rútmur við Patriciu Rasmussen
Føroyskur dansur við Elin Mariu Olsen
Eingin tilmelding- ókeypis atgongd
NLH

Stað: Norðurlandahúsið

Kl. 20-02 Fjølmentanardansur í Perluni

Dansur og tónleikur frá altjóða tónleikapallinum. Set ferð á Fjølmentanarvikuna við stuttleika og góðum rútmum
Til ber at keypa leskiligan mat úr matvogni á perlutorginum

Stað: Perlan, Tórsgøta 3, Tórshavn

Sunnudagin 27. oktober

Mánadagin 28. oktober

Kl 10-12 Barnaskrúðgonga

Skrúðgonga fyri øll børn í dagstovnum í Tórshavnar kommunu
Gongan byrjar á Ovara Vølli í Gundadali kl 10, síðani fara vit syngjandi og við fløggum oman á Vaglið
Tónleikur, røður og undirhald verður á Vaglinum og heimsins fløgg verða sett framvið "Havnará"
Ommur, abbar, foreldur og øll onnur eru vælkomin at fagna børnunum á Vaglinum, ella fylgjast við festligu gonguni frá Gundadali og oman á Vaglið.
Á vaglinum fer Borgarstjóri Heðin Mortensen at bjóða vælkomin, Lena Anderesen fer at syngja sangin "dugir tú at tosa føroyskt" og børn fara at framføra á pallinum.

Stað: Frá Gundadali til Vaglið, Tórshavn

Kl 10-16 Fjølmentanarvika í SMS

Tekniborð á torginum. Kom og tekna fløgg við okkum
kl 16.00-17-00 Origami

Stað: Torgið, SMS, Tórshavn

Kl. 16-20 Bindiverkstova í Altjóðahúsinum

Verkstova í tvey kvøld
Lær at binda tína egnu húgvu
Hildur Jensdóttir úr Tórshavnar Kvøldskúla undirvísir
Pláss er fyri 12 fólkum
Melda til her: Bindiverkstova - Tímin (timin.fo)

Stað: Altjóðahúsið, Tinghúsvegur 12, Tórshavn

Kl. 15-21 Fernisering. Framsýningin "Samleiki" letur upp í Perluni.

Listaframsýning
Fotomyndir hjá Igor Zaitsev, myndlist hjá Veronicu Ravnsdóttir og onnur listafólk
Stuttsøgur sum ljóðinstallatión

Stað: Perlan, Tórsgøta 3, Tórshavn

Kl. 20-22 Søgukvøld á reinsarínum

Upplestur av stuttsøgum, ið luttóku í stuttsøgukappingini hjá Fjølmentanarvikuni í 2023
Rithøvundarnir lesa sjálvir
Øll eru vælkomin

Stað: Reinsaríið, Tórsgøta 3, Tórshavn

Týsdagin 29. oktober

Kl 10-16 Fjølmentanarvika í SMS

10.00 Afrobeat "Jerusalema" á torginum fyri øll børn.
Tekniborð á torginum. Kom og tekna fløgg við okkum

Stað: Torgið, SMS, Tórshavn

Kl. 15-21 Framsýningin "Samleiki" í Perluni er opin

Listaframsýning
Fotomyndir hjá Igor Zaitsev, myndlist hjá Veronicu Ravnsdóttir og onnur listafólk
Stuttsøgur sum ljóðinstallatión

Stað: Perlan, Tórsgøta 3, Tórshavn

Kl. 19-21 Stand-up verkstova við Elisu Vang

Verkstova har tú lærir at gera stand up
Málið verður enskt ella "Finglish" (Faroese and English)
Aldursmark 15 ár
Pláss er fyri 10 luttakarum
Melda til her: Stand-up verkstova: »Stand-up in Finglish« - Tímin (timin.fo)

Stað: Perlan, Tórsgøta 3, Tórshavn

Mikudagin 30. oktober

Kl. 15-21 Framsýningin "Samleiki" í Perluni er opin.

Listaframsýning
Fotomyndir hjá Igor Zaitsev, myndlist hjá Veronicu Ravnsdóttir og onnur listafólk
Stuttsøgur sum ljóðinstallatión

Stað: Perlan, Tórsgøta 3, Tórshavn

Kl. 19.30-21.30 Open Mic á Reinsarínum

Elisa Vang er serligur gestur og undirheldur á "Finglish"- Enskt undirhald, ið setir føroyingar undir sjóneykuna
Luttakarar frá Stand-up verkstovuni 29. oktober fáa høvi at royna seg á pallinum

Stað: Reinsaríið, Tórsgøta 5, Tórshavn

Kl. 20-21.30 Filmssýning í Havnar Bio: "Blod og vand"

Filmsfelagið sýnir filmin í samstarvi við Fjølmentanarvikuna
Kinesiskur filmur, ið hevur fingið sera góð viðmælir
Keyp atgongumerki her: Fjølmentan og filmur - Tímin (timin.fo)

Stað: Havnar Bio, Tinghúsvegur 8, Tórshavn

Hósdagin 31. oktober

Kl. 15-21 Framsýningin "Samleiki" í Perluni er opin

Listaframsýning
Fotomyndir hjá Igor Zaitsev, myndlist hjá Veronicu Ravnsdóttir og onnur listafólk
Stuttsøgur sum ljóðinstallatión

Stað: Perlan, Tórsgøta 3, Tórshavn

Kl. 17.30-20.30 Matverkstova við mati úr Madagaskar

Lær at gera mat úr Madagaskar við Alice Haraldsen
Tú lærir at gera kenda rættin "Ravitoto sy voanio" og desertina "godrogodro"
Verkstovan endar við, at øll njóta góða matin saman
Pláss er fyri 10 luttakarum á verkstovuni
Melda til her: Matverkstova: matur úr Madagaskar - Tímin (timin.fo)

Stað: Altjóðahúsið, Tinghúsvegur 12, Tórshavn

Kl. 20-21 Børn, mentan og jólasiðir í krígstíð

Framløga við Victoriiu Shevtsova um námsfrøðiliga verkætlan við børnum í Ukraine við serligum tørvi.
Viktoriia Shevsova er oligofreno pædagogur og logopæd
Vit fáa høvið at síggja endaliga úrslitið ið var ein leikur ið børnini framførdu farnu jól, hóast umstøðurnar til undirvising av børnum í Ukraina eru sera truplar.
Framløga á Ukrainskum ið verður tulkað til enskt

Stað: Perlan, Tórsgøta 3, Tórshavn

Fríggjadagur 1. november

Kl. 17.30-20.30 Matverkstova við mati úr Filipsoyggjum

Lær at gera leskiligan mat úr Filipsoyggjum við Ellu Jacobsen
Tú lærir millum annað at gera Filipinskar várrullir
Verkstovan endar við, at øll njóta góða matin saman
Pláss er fyri 10 luttakarum á verkstovuni
Melda til her: Matverkstova: matur úr Filipsoyggjum - Tímin (timin.fo)

Stað: Altjóðahúsið, Tinghúsvegur 12, Tórshavn

Leygardagur 2. november

Kl. 14-19 Stórt Fjølmentanartiltak til alla familjuna

Ókeypis smakkiroyndir av leskiligum mati ymsastaðni úr heiminum
Dansiframførslur
Býarbókasavnið hevur søgukrók
"Dia de los Muertos" - Soleiðis verður Allahalganadagur hildin í Mexico
Matvognar
Vinnarin av stuttfilmskappingini verður kunngjørdur
Vinnarafilmarnir verða sýndir
Undirhald, tónleikur og dansur fyri alla familjuna. Sí meira á tímanum: Fjølmentanartiltak fyri alla familjuna við mati, dansi og undirhaldi - Tímin (timin.fo)

Stað: PM Heilsøla, Hoyvíksvegur 74, Tórshavn

Kl 10-24. "Street food" matmarknaður á Býarskáanum í Runavík

Matvognar og matbásar við leskiligum mati til keyps
Til ber at keypa mat úr Grikkalandi, Thailandi, Japan, Ghana, USA, Korea og Føroyum

Stað: Heiðavegur 13, Runavík

Øll kunnu skipa fyri tiltøkum

Fjølmentanarvikan leggur upp til, at øll eru við í Fjølmentanarvikuni: Stovnar, skúlar, arbeiðspláss, felagsskapir, grannaløg og einstaklingar. Kommunan skipar árliga fyri nøkrum almennum tiltøkum, men øll kunnu skipa fyri onkrum átaki ella tiltaki í sínum egna umhvørvi. Hugskot til átøk og tiltøk eru í hugskotsjáttuni, sum er at finna her:

Hugskotskjátta FMV

Vit taka fegin ímóti ískoytum til hugskotskjáttuna. Hevur tú eitt gott hugskot, mást tú fegin senda okkum uppskotið, so øll kunnu fáa gagn av hugskotinum. Tað er skjótt og ómakaleyst at lata inn hugskot. Trýst á grøna knøttin niðanfyri og send okkum tíni uppskot. Tá tú letur inn uppskot, ber væl til at viðfesta fílur í formatunum pdf, jpg og png.

Send uppskot til skjáttuna

Hvussu kann eg taka lut?

Eisini ber til at luttaka meira aktivt, antin við at framføra, hjálpa, hava eitt skeið ella annað. Vit ynskja at veita karmar fyri so nógvum tiltøkum sum møguligt. Til ber at seta seg í samband við okkum á fjolmentan@gmail.com ella støkka inn á gólvið í Altjóðahúsinum, har vit sita dagliga.

FMV um alt landið

Fjølmentanarvikan er partur av tí kommunala integratiónsnetverkinum, og ein høvuðsmálsetningur er, at allar kommunur luttaka í tann mun tað letur seg gera. Fleiri eru longu við, og tað er so sera gleðiligt, at Sunda kommuna setur vikuna í ár – og vit kunnu fegnast um, at Vestmanna kommuna hevur lagt billett inn til at seta vikuna í 2025. Tað, at setanin flytir, flytir eisini nakað fyri okkum, sum eru við, og sum skipa fyri – tað tryggjar eitt samstarv og ger, at vit øll føla, at vit eru partur av somu heild.

Vert at hugsa um

Her eru nøkur ráð til tykkum, ið arbeiða við ungum fólkum og børnum úr tilflytarabólkum og til luttakarar á Fjølmentanarvikuni:

Hóast tvey fólk eru úr sama minnilutabólki, so er ikki vist, at tey hava nakað til felags.
Legg dent á tey eyðkenni, tit hava í felag, og minst til, at øll ung eru einstaklingar, hvør upprunin so er.
Ung fólk hava fleiri samleikar alt eftir umstøðum. Umframt at vera »útlendingar«, so kunnu tey eisini vera til dømis: Dansari, abbi, tónleikari, bókormur, hondbóltspælari ella ein, ið elskar borðspøl. Tí er týdningarmikið ikki bara at leggja dent á ein tátt av teirra samleika – hugsa heldur um, hvat tey halda vera týdningarmikið.
Ver varin við at brúka heitir, tí heitir kunnu kennast stigmatiserandi
Tað kann vera stórur munur á at vera tilflytari og at vera flótti. Tað er ikki vist, at flóttar hava hug til at tosa um eitt nú kríggj.

Samband / Contact