Hoyringar
Uppskotið snýr seg um at nágreina, hvørji neystaøkir í Kollafirði framyvir kunnu loyva lutvísa innrættan til frítíðarhús í neystum.
Tórshavnar býráð samtykti á heysti 2024 eitt uppskot til skeltisreglugerð fyri alla kommununa. Skeltisreglugerðin liggur til almenna hoyring í 6 vikur.
Tórshavnar býráð samtykti á fundi 27. apríl 2023 uppskot um at broyta almennu byggisamtyktina og gera nýggja serstaka byggisamtykt fyri matr. nr. 56as og 82, Kirkjubøur (Argir), í smb. við ætlanir um at byggja nýtt sjósavn í økinum. Endamálið er at útvega Sjósavninum neyðugt pláss. Í hesum sambandi varð somuleiðis samtykt at heimila umsitingini at tillaga byggisamtyktarøkið um neyðugt.
Tórshavnar býráð samtykti á fundi 19. september 2024 uppskot um at broyta byggisamtyktina fyri part av matr. nr. 2a, 2b, 2c og 20, Velbastaður.
Tórshavnar býráð samtykti á fundi 30. mai 2024 uppskot um endurskoðan av byggisamtyktini fyri Nólsoy.
Tórshavnar býráð samtykti á fundi 30. mai 2024 uppskot um endurskoðan av byggisamtyktini fyri Kaldbak.
Tórshavnar býráð samtykti á fundi 30. mai 2024 uppskot um endurskoðan av byggisamtyktini fyri Hvítanes.
Tórshavnar býráð samtykti á fundi 20. juni 2024 uppskot um at broyta serstøku byggisamtykt nr. 7, sum er galdandi fyri økið millum Hoyvíksvegin og Yviri við Strond.