Vit hava fimm svimjihallir í Tórshavnar kommunu. Størsta svimjihøllin er í Gundadali, meðan hinar fýra eru í Kollafirði, Argja skúla, Eysturskúlanum og úti í Hesti.
Svimjihøllin í Gundadali verður í høvuðsheitum brúkt til almenna svimjing og kappingar, men skúlar, stovnar og feløg brúka hana eisini viðhvørt. Hinar fýra svimjihallirnar eru fyrst og fremst til skúlabrúks. Svimjihøllin í Kollafirði er eisini opin fyri almenninginum.
Hevur tú ein fyrispurning um upplatingartíðir ella leigu av skúlasvimjihallunum, kanst tú venda tær til skúlarnar. Tú finnur sambandsupplýsingarnar niðanfyri.
Gev gætur, at svimjihøllin fylgir frítíðini hjá Kollafjarðar skúla. Tað vil siga, at hylurin er stongdur, tá skúlin er stongdur. Vilt tú vita, nær skúlafrítíðin er, kanst tú kunna teg í kalendaranum á heimasíðuni hjá skúlanum.
Hylurin er opin fyri øllum, men fyri at fáa lykilin til høllina, skal ein persónur yvir 18 ár vera hjástaddur. Tú skalt ringja til vakthavandi fyri at gera avtalu um atgongd til høllina.
Vaksin 16 ár og eldri: 50 krónur Børn 2-15 ár: 25 krónur Børn undir 2 ár: Ókeypis
Prísur fyri vælveruøkið (við svimjing)
Fyrrapart (til klokkan 12.00): 70 krónur Seinnapart: 100 krónur Í vikuskiftunum: 110 krónur Pensjónistar: 50 krónur Lesandi eldri enn 16 ár: 50 krónur (lestrarkort krevst) Børn undir 2 ár (gerandisdagar): Ókeypis
Aldursmark í vælveruøkinum
Hvønn gerandisdag frá klokkan 14 til 17 fáa børn yngri enn 16 ár atgongd til vælveruøkið saman við vaksnum. Kostnaðurin er tann sami sum fyri vaksin.
Frá klokkan 10 til 12 gerandisdagar kunnu foreldur hava børn undir tvey ár ókeypis við sær inn í vælveruøkið.
Allar aðrar tíðir í vikuni er aldursmarkið 16 ár fyri at sleppa inn í vælveruøkið.
Svimjihøllin í Kollafjarðar skúla
Prísir
Vaksin 20 krónur Børn 10 krónur Pensjónistar 10 krónur
Hentleikar í svimjihallunum
Svimjihøllin í Gundadali
Svimjihøllin í Gundadali hevur seks hyljar:
Tveir barnahyljar, ið eru um 30 hitastig
Ein 25 metrar hyl, ið er um 26,5 hitastig
Ein kavingarhyl, ið er um 26,5 hitastig
Ein 50 metrar langhyl
Ein heitan hyl í vælveruøkinum
Svimjihøllin hevur gosbað, hitarúm, hitapottar, kaltvatnspottar, tveir vatnskreiðibanar og kaffistovu. Upplatingartíðirnar hjá kaffistovuni sært tú á heimasíðuni hjá svimjihøllini.
Vit hava serlig tilboð til pensjónistar og hava eisini nógvar góðar hentleikar og møguleikar fyri børn og ung. Kunna teg nærri á heimasíðuni hjá høllini.
