Lat aftur
Tilhaldið í Tórsgøtu
Tilhaldið í Tórsgøtu
Tilhaldið í Tórsgøtu
Ert tú pensjonistur, og hevur tú hug til at møtast við øðrum pensjónistum til alskyns virksemi og tiltøk, so er Tilhaldið í Tórsgøtu kanska júst nakað fyri teg.
Endamálið hjá Tilhaldinum er at geva pensjonistum í kommununi møguleika at møtast til fjøltáttað virksemi fyri bæði likam og sál, at økja um lívsgóðskuna við fyribyrgjandi og heilsufremjandi tilboðum og at skipa fyri trivnaðarligum tiltøkum í hugnaligum umhvørvi.
Tilhaldið í Tórsgøtu er størsta tilhaldið í Tórshavnar kommunu og húsast í Tórsgøtu 21 við virksemi á øllum fýra hæddum.
Í Tilhaldinum ber til at hittast til eitt nú felagssang, kortspøl, hugnaløtur, felags gongutúrar, bindiklubba, lesibólkar, fyrilestrar og til hugna og prát annars. Gjøgnum árið skipa vit fyri ymiskari undirvísing og skipa eisini fyri fimleiki fleiri ferðir um vikuna.
Í Tilhaldinum er einki krav um limaskap. Vit ynskja, at øll skulu kenna seg hjartaliga vælkomin.
Samband og upplatingartíðir
Hvussu fái eg samband við tilhaldið í Tórsgøtu?
Tilhaldið í Tórsgøtu
Tórsgøta 21
100 Tórshavn
Tel. 21 66 29 (Mánadag til hósdag kl. 9-16 og fríggjadag kl. 9-14)
tilhald@torshavn.fo
starvsfólk
Eirik Suni Danielsen
Tel. 28 66 90
eirikd@torshavn.fo
Annelin Davidsen
Tel. 21 66 29
annand@torshavn.fo
Upplatingartíðir
Mánadag til hósdag kl. 9-16
Fríggjadag kl. 9-14
Tilboð í Tilhaldinum
Vikuskráin
Her sært tú vikuskránna hjá Tilhaldinum.
Ítriv, tiltøk og túrar
Vit hava eitt sera fjøltáttað virksemi í Tilhaldinum.
Tilboðini eru mong:
- Venjingarhøli, ið er opið allar gerandisdagar
- Fimleikur fyri menn tvær ferðir um vikuna
- Fimleikur fyri kvinnur tvær ferðir um vikuna
- Stólafimleikur fyri blandað lið tríggjar ferðir um vikuna
- Føroyskur dansur aðru hvørja viku (vetrarskrá)
- Gongutúr eina ferð um vikuna (summarskrá)
- Lesibólkur eina ferð um mánaðin
- Bindiklubbur eina ferð um vikuna
- Menn møtast í kjallaranum eina ferð um vikuna
- Vit spæla kort eina ferð um vikuna
- Felagssongur og hugnaløta eina ferð um vikuna
- Valfundur fyri val
- Undirvísing í horn- og beinarbeiði (vetrarskrá)
- Undirvísing í maskinbinding (vetrarskrá)
- Undirvísing í veving (vetrarskrá)
- Várútferð eina ferð um árið
- Veitsla fyri jól
- Sálmasongur í kirkju fyri jól og páskir
- Virkisvitjanir
- Fyrilestrar v.m.
Leiðarin í Tilhaldinum skipar tiltøkini saman við nevndini í Tilhaldinum. Skráin er fastløgd eftir teimum ynskjum, ið hava verið frammi gjøgnum árini.
Vit royna javnan nýggj tiltøk og ítriv, og um undirtøka er, halda vit fram við tiltakinum.
Øll, ið hava sína dagligu gongd í Tilhaldinum, kunnu leggja uppskot og ynski fyri nevndina og leiðaran.
Hvørja viku leggja vit eina vikuskrá út á hesa síðuna og á okkara Facebooksíðu, so tú sært, hvat fyri virksemi er í løtuni, nær virksemið er og hvør stendur fyri ymisku tiltøkunum.
Skráin hongur eisini við inngongdina og liggur prentað í Tilhaldinum, so tú kanst taka eitt eintak heim við.
Tilmelding til ítriv
Undir vanligum umstøðum er ikki neyðugt, at tú meldar teg til virksemi í Tilhaldinum, og tú kanst koma og fara sum tær lystir.
Tað er altíð neyðugt at tekna seg til undirvísing, millum annað horn- og beinarbeiði, maskinbinding, veving og teldufrálæru. Vit kunngera, nær skeiðini byrja á okkara Facebooksíðu og her á síðuni.
Eisini er neyðugt at tekna seg til serlig tiltøk, so sum útferðir og veitslur.
Hvat er kostnaðurin fyri ítriv og tiltøk?
Vit upplýsa kostnað og tilmeldingartreytir fyri vetrarskeið, útferðir, veitslur og tílíkt, tá vit lýsa við tiltøkunum. Fimleikur og stólafimleikur kostar 20 krónur fyri hvørja venjing. Tú rindar, tá tú møtir upp til fimleikin.
Rundvísing í Tilhaldinum
Tilhaldið hevur ikki skipaða rundvísing, men øll, sum hava hug at síggja húsini og kunna seg um okkara virksemi, kunnu ringja til Tilhaldið á tel. 21 66 29. Vit svara fegin tínum spurningum og vísa tær runt í Tilhaldinum.
Drekka
Hvat bjóða vit?
Í Tilhaldinum kanst tú altíð keypa tær kaffi, te og okkurt afturvið.
Gerandisdagar klokkan 12.30 til 15.50 er kaffistovan opin, tó lata vit aftur klokkan 13.50 fríggjadag. Tá hevur tú møguleika at seta teg við einum drekkamunni og fáa eitt gott prát við onkrum góðum afturvið.
Finn veg
Finn Tilhaldið í Tórsgøtu á korti
Parkering
Nærmastu parkeringsbásarnar finnur tú í Liðagøtu, Kongagøtu og Tórsgøtu. Tú sært yvirlit yvir øll parkeringsøkini her:
Parkeringspláss og atkoma fyri rørslutarnað
Beint við inngongdina í Tórsgøtu eru tveir parkeringsbásar til rørslutarnað. Parkeringspláss til rørslutarnað eru eisini við AUTO í Niels Finsens gøtu og framman og aftanfyri Sjónleikarhúsið (ein básur hvørju megin).
Tú sært yvirlit yvir parkeringsøkini her:
Við bussi
Leið 4 steðgar í Tróndargøtu. Allar hinar bussleiðirnar steðga nærindis í Steinatuni.
Tú kanst gera tær eina ferðaætlan her:
Um Tilhaldið í Tórsgøtu
Hugsjón
Endamálið við Tilhaldinum er at varðveita og menna heilsuna hjá pensjonistum í Tórshavnar kommunu. Vit vilja bjóða pensjonistum fjølbroyttar virkismøguleikar, bæði fyri likam og sál, og við okkara virksemi miða vit eftir at fevna um so nógv áhugamál sum gjørligt.
Hugsjónin hjá tilhaldinum
Okkara hugsjón er, at:
- Tilhaldið er ein stovnur við hugna, trivnað, menning og har virðingin fyri tí einstaka er í hásæti
- Øll skulu kenna seg væl, kunnu brúka síni evni og førleikar, kunnu læra og hava tað stuttligt
- Tilhaldið skal hava positiva ávirkan á lív og heilsu
Arbeiðið í Tilhaldinum er grundað á meginreglurnar hjá ST viðvíkjandi eldri.
Galdandi reglugerðin fyri Tilhaldið í Tórsgøtu varð samtykt á Býráðsfundi 19. mai 2016. Tú kanst lesa reglugerðina her:
Nevndin
Nevndin í Tilhaldinum hevur sum endamál at røkja áhugamálini hjá pensjónistunum í Tilhaldinum.
Sambært grein 6 í reglugerðini fyri Tilhaldið skal ein nevnd veljast við fimm umboðum og tveimum varaumboðum. Nevndarumboðini verða vald fyri tvey ár í senn.
Val til nevndina er 12. mars, sum er føðingardagurin hjá Tilhaldinum í Tórsgøtu. Allir brúkarar í Tilhaldinum hava valrætt.
Nevndin hevur fastan fund fyrsta týsdag í hvørjum mánað.
Nevndarlimir
Anna Jóannesardóttir
Nevndarforkvinna
Páll Petersen
Næstformaður
Nella Knudsen
Skrivari
Joen Magnus Lamhauge
Nevndarlimur
Henry Fjallstein
Nevndarlimur
Jana Ziska
Tiltakslimur
Flemming Petersen
Tiltakslimur
Hvørji eru vit?
Starvsfólkini í Tilhaldinum
Leiðari
Eirik Suni Danielsen
Tel. 28 66 90
eirikd@torshavn.fo
Starvsfólk
Annelin Davidsen
Tel. 21 66 29
annand@torshavn.fo
Vivi Hammer
Óluva A. Nolsø
Undirvísarar
- Fimleikur menn | Dánjal Húsgarð
- Fimleikur kvinnur | Sólrun Patursson
- Stólafimleikur | Beinta Rasmussen
- Stólafimleikur | Linda Klementsen
- Horn- og beinarbeiði | Rasmus Nygaard
- Maskinbinding | Marita Guttesen
- Veving | Joana Bjarnastein
- Kortspæl | Felags
- Bindiklubbur | Felags
- Lesibólkur | Felags
- Hockey | Ingrid Henriksen
Tilhaldið í Tórsgøtu er partur av Heilsu- og umsorganartænastuni.
Heilsu- og umsorganarstjóri
Eyðfríð Jacobsen
Tel. 30 20 00
eydfridj@torshavn.fo