Uppskot til serstaka byggisamtykt fyri neyst í Kollafirði

Tórshavnar býráð samtykti á fundi 24. oktober 2024 uppskot um serstaka byggisamtykt fyri neystaøkir í Kollafirði. Uppskotið snýr seg um at nágreina hvørji neystaøkir í Kollafirði framyvir kunnu loyva lutvísa innrættan til frítíðarhús í neystum.

Í uppskotinum verður víst á hesi sjey neystaøkini:

1. Við Sjógv
2. Á Lygnnesi
3. Á Lygnnesi, har serstøk byggisamtykt, ið loyvir frítíðarhúsum, er galdandi
4. Við Kópastein
5. Á Signabø
6. Við bátabrúgvarnar á Signabø
7. Á Kjalnesi

Ítøkiliga er uppskotið ein víðkan fyri økið, har serstøk byggisamtykt síðani 2022 hevur loyvt partvísa innrætting til frítíðarbústaðir í neystum á Lygnnesi. Sostatt snýr uppskotið seg um at broyta hesa serstøku byggisamtyktina, soleiðis at hon umframt økið á Lygnnesi framyvir eisini umfatar onnur neystaøkir í Kollafirði og Signabø.

Tilfarið sært tú her: 

• Uppskot til serstaka byggisamtykt fyri neystaøkir í Kollafirði
• Fylgiskjal - áðrenn broyting
• Fylgiskjal - eftir broyting
• Ásetingar við markeraðum broytingum
• Galdandi serstaka byggisamtyktin fyri neystaøki í Kollafirði

Tilfarið, sum lýsir uppskotið um broyting av serstøku byggisamtyktini, liggur frammi á hesari síðuni og í Snarskivuni frá 7. november 2024 til 19. desember 2024.

Møgulig mótmæli ella broytingaruppskot skulu sendast Tórshavnar kommunu skrivliga til torshavn@torshavn.fo í seinasta lagi 19. desember 2024.