Endurskoðan av byggisamtyktini fyri Hest

Tórshavnar býráð samtykti á fundi 28. november 2024 uppskot um endurskoðan av byggisamtyktini fyri Hest.

Uppskotið um endurskoðanina fevnir um broytingar og tillagingar av býarskipanini, m.a. soleiðis at ásetingar í størri mun samsvara við almennu byggisamtyktina fyri Tórshavnar kommunu og hinar bygdirnar í kommununi.

Tilfar, sum lýsir uppskotið um endurskoðan av byggisamtyktini fyri Hest liggur frammi her á síðuni og í Snarskivuni frá 19. desember til 6. februar 2025.

Møgulig mótmæli ella broytingaruppskot skal sendast Tórshavnar kommunu skrivliga til torshavn@torshavn.fo í seinasta lagi 6. februar 2025.

• Ásetingar fyri Hest – áðrenn og eftir broyting
• Hestur kort – áðrenn broyting
• Hestur kort – eftir broyting
• Almenna byggisamtyktin fyri Hest
• Kunngerð