Nú ber til at tekna seg til lutakast um grundstykkir í Hamrabøi í Kollafirði, ið eru latin inn aftur til Tórshavnar kommunu. Talan er um trý grundstykki í útstykking frá 2017.
Stykkini eru 5-600 fermetrar til støddar og kosta 245.000-265.000 krónur. Stykkini eru ikki útgrivin og planeraði. Vit kasta lut um grundstykkini matrikkul nr. 91n, 91p, 91ab og 91ah. Verða fleiri grundstykki í útstykkingini latin inn aftur til kommununa seinni, verða tey eisini við í lutakastinum.
Tekna teg til lutakastið við at tøppa tínar upplýsingar inn niðanfyri og viðfesta kravdu skjølini.
Freistin at tekna seg til lutakastið er 21. oktober 2024.
Tekna teg til lutakast um grundstykkir á Hamrabøi
Set teg væl inn í reglugerðina, áðrenn tú skrivar teg upp til lutakastið. Reglugerðin ásetir millum annað, at tú skalt viðfesta váttan frá peningastovni um tøka fígging til grundstykkið, tá tú meldar til lutakastið. Hon ásetir eisini, at váttan skal fyriliggja frá peningastovni um fígging til sethúsabyggingina umframt játtan um byggiloyvi, áðrenn skeytið kann skrivast og tinglýsast. Reglugerðina sært tú her:
Tórshavnar kommuna lýsir við hesum fleiri grundstykkir í Nólsoy til sølu. Talan er um nøkur grundstykki, ið eru eftir av útstykkingini Undir Bøbrekku. Stykkini hava sostatt staðið til sølu fyrr.
Vilt tú keypa eitt grundstykki, trýstir tú á grøna knøttin niðanfyri og fyllir kravdu teigarnar út. Í sølulistanum niðast á hesari síðuni sært tú, hvørji stykki eru tøk, bíløgd ella seld.
Bílegg grundstykki í Nólsoy
Á myndini niðanfyri sært tú, hvar grundstykkini liggja í útstykkingini. Hvørt stykki er umleið 500 fermetrar til støddar. Stykkini eru ikki grivin út, og tey verða seld, soleiðis sum tey liggja. Kostnaðurin er 165.000 krónur umframt tinglýsingarkostnaðin, sum keypari rindar. Vanligar kommunalar ásetingar verða tinglýstar á stykkjunum, undir hesum áseting um bústaðarskyldu.
Sølulisti
Her sært tú, hvørji grundstykkir eru tøk, hvørji eru umbiðin og hvørji eru seld.
Matrikkul | Støða |
| Matr. 159o | TØKT |
| Matr. 159n | TØKT |
| Matr. 159i | TØKT |
| Matr. 159h | SELT |
| Matr. 159g | SELT |
| Matr. 159p | TØKT |
| Matr. 159q | TØKT |
| Matr. 159r | TØKT |
| Matr. 159m | SELT |
| Matr. 159k | TØKT |
Gev gætur, at grundstykkir á listanum kunnu vera umbiðin kortsíðan og sostatt ikki tikin av sølulistanum enn. Søkja fleiri um at keypa sama grundstykki, goyma vit allar umsóknirnar, soleiðis at vit kunnu bjóða næsta umsøkjara stykkið, um fyrsti keyparin sleppur sínari ætlan. Eisini kemur fyri, at seld stykkir verða latin inn aftur.
