Upptøka eftir slakti og veiðu
Skalt tú fletta ella taka náta er umráðandi, at tú fylgir leiðbeiningunum um upptøku eftir slakti og nátaveiðu. Hetta fyri at verja umhvørvið og minka um vandan fyri nátasjúku. Á hesari síðuni kanst tú lesa um, hvussu tú best og rættast beinir leivdir burtur.
Á heimasíðuni hjá Heilsufrøðiligu Starvsstovuni finnur tú mannagongdir fyri, hvussu tú best kanst fyribyrgja nátasjúku:
Upptøka
Burturbeining av leivdum frá nátaveiðu
Hetta skalt tú hava í huga, tá tú beinir burtur leivdir frá nátaveiðu og hagreiðing:
- Fjarðar, innvølir, tóm kloraminíløt o.a frá nátaveiðuni skulu koyrast í plastposar og beinast burtur á góðkendum stað
- Burturkastið skal vera so væl avvatnað sum gjørligt fyri at minka um útlátið úr roykinum á Brennistøðini, sum kann dálka umhvørvið
- Tað er umráðandi, at lívrunna burturkastið er í afturlatnum posum, hetta fyri at sleppa undan lukti
- Fjaðrar skulu tó vera í posum, sum ikki eru heilt lufttættir, soleiðis at posarnir ikki bresta, tá burturkastið verður handfarið víðari
- Lívrunna burturkastið kanst tú lata inn til Endurnýtsluna á Hjalla. Hesin burturkastbólkur er bara frammi ávís tíðarskeið
Upplatingartíðirnar hjá Endurnýtslunum sært tú á síðu okkara um endurnýtslurnar:
Avroð og upptøka eftir slakti og veiðu
Avroð, slakt og fiskaslógv skalt tú lata inn í bingjuna »Lívrunnið«, sum tó bara stendur frammi eftir árstíð. Er hendan bingjan ikki frammi, skalt tú lata avroð og upptøku inn í bingjurnar »Restburturkast«.
Tú kanst tó grava fiskaslógv niður á egnari grund við teirri treyt, at hetta ikki er til ampa ella heilsuvanda fyri grannarnar og umhvørvið.
