Tíðindi

Tórshavnar kommuna kunnar nú um, at kommunan fer at kanna økið og lendið á Stórubrekku við Dalin langa í mai/juni 2024.

Talan er um forkanningar og forboringar, sum verða gjørdar á økinum í sambandi við verkætlanina Røktarheimið á Stórubrekku – RÁS. 

Mánadagin 6. mai byrjar seinasta byggistig í umvælingini av løgtingsbygninginum. Sverrisgøta verður i hesum sambandi stongd frá Tinghúsvegnum oman til Niels Finsens gøtu allar yrkadagar kl. 8-17 frá mánadegnum 6. mai til fríggjadagin 17. mai.

Heðin Mortensen, borgarstjóri í Tórshavnar kommunu, handaði í dag Steinari Eirikstoft, stjóra á Landssjúkrahúsinum, gávu í samband við, at Landssjúkrahúsið er 100 ár í ár.

Gávan er fýra listaverk eftir Astri Luihn, listakvinnu.

Dronning Alexandrines Hospital varð tikið í nýtslu 23.februar 1924.

Fleiri vegir eru stongdir í miðbýnum 3. og 4. mai í sambandi við tiltøkini »Ein dagur á Grynnuni« og »Plantið eitt træ«.

Eystara vegbreyt í R. C. Effersøesgøtu verður stongd frá Húsagøtu niðan til Gundadalsvegin frá hóskvøldinum 2. mai klokkan 22 til fríggjamorgunin 3. mai klokkan 6. Vegbreytin verður stongd í sambandi við asfaltering. Meðan arbeiðið fer fram, koyra leið 1, 2, 3 og 5 eftir Gripsvegnum, Hoyvíksvegnum, Tjaldursvegnum og víðari eftir ferðaætlanini.

Søren Andersen, generalmajor og stjóri fyri Arktisk Kommando, var í gjár á vitjan hjá Heðini Mortensen, borgarstjóra.

Ørindini vóru at heilsa uppá borgarstjóran og at kunna um virksemið hjá Arktisk Kommando í Føroyum, í Grønlandi og saman við NATO í Norðuratlantshavi.

Endurnýtslurnar í Tórshavnar kommunu eru stongdar mikudagin 1. mai.

Í sambandi við 1. maidagshald í Vágsbotni verða fleiri vegir stongdir mikudagin 1. mai frá klokkan 15.30 til klokkan 18.

Stórsligna altjóða tøkniráðstevnan TONIK verður í SILO fríggjadagin 3. mai.

Endamálið við ráðstevnuni er at veita føroysku tøknivinnuni og íverksetum ein kveikjandi og savnandi pall. Harafturat er hetta eitt upplagt høvi at knýta sambond og vitanardeila við fólki úr øllum heiminum..

Felags foreldraráðið, ið varð sett á stovn tann 24. januar 2024, fer nú framhaldandi at gera vart við, hvussu umráðandi tað er, at vit hava góðar fysiskar karmar á stovnunum í kommununi. Ráðið gleðir seg at fara í eitt støðugt og gott samstarv við Tórshavnar Býráð og hevur sett sær fyri at tryggja, at atlit verða tikin, tá ið stovnar verða bygdir og umvældir.